Rilo urang nong hu ngak tapa blaoh bruk pala thanh long VietGAP di tỉnh Bình Thuận brei thau, piah hu mbaok tame jalan pala VietGAP, urang nong njauk tapa dom mbang pato pathram kayua jabat chức năng peih tabiak. Dalam tuk pala, urang nong njauk cih vak veik ka nyu tani tanat yaok bruk ngak; bruk pandar khak, pruh jru njauk tui jalan ba tabiak. Abih rilo prein, rilo tukvak piah ngak tabiak baoh thanh long hacih, min tal tuk paik baoh ye oh hu doanh nghiệp halei mai blei, yaom pablei oh karei hagait thanh long karei, bruk brei harak chứng nhận oh ka biak catang daok ngak ka rilo sang oh mbak carak hoang jalan ngak ini.
Pasak pachreih nong tỉnh Bình Thuận jeng mboh lac, urak ini tok hu takik mblang taneh thanh long VietGAP di dom doanh nghiệp dalam tỉnh Bình Thuận hu labik pablei blaoh, daok veik jaik abih thanh long ngak tui jalan hacih sa-at di bhap bani jeng daok pambak tame urang pablei salih.
Kadha daok ngak ka bhap bani oh daok mbak carak haong thanh long VietGAP nan lac yaom kaom saong labik pablei oh ka hu jalan langyah, ye mblang taneh brei bahrau saong brei veik tui jalan ngak ini jeng oh padeih patagok. Tui bruk ba tabiak, thun 2020 tỉnh meda brei bahrau 300ha mblang taneh VietGAP ka urang nong, min tal puac thun tagok tal labaih 500ha; mblang taneh brei veik jeng hu labaih 1.800ha. Dom urang ilamu gah ngak nong saong gah pablei salih mboh lac, bruk cak rok patagok thanh long VietGAP di tỉnh Bình Thuận mboh yau daok mong biak trak gah chỉ tiêu, ngak tok hu ngak. Piah ka danak dak ngak tabiak thanh long VietGAP biak biai ba mai kein laba, tỉnh brei hu jalan ngak ka nyu cambaih laih, abih di nyu lac bruk yaom kaom saong labik pablei ka baoh thanh long piah ngak jeng bruk karei, oh meluk haong baoh thanh long thường. Tuk mboh hu kein laba kinh tế ye bhap bani jia tui saong abih hatai hu mbaok tame ngak, oh njauk lac ngak ka hu ngak yau urak ini./.
Urang lang: JASI 10/5/2021
Viết bình luận