Dom mbaik haning, meng kan hu bhap bani urang bangsa di bhum glaong pandar piah nao mar athur glai, pametai kaol khamang meblah taneh aia. Min urak ini, dom mbaik haning dak harei dak lahik nao saong hu biak takik  urang thau  ngak nyu. Di palei 3, xã Hồng Tiến, bal sit Hương Trà, tỉnh Thừa Thiên - Huế urak ini tok daok hu sa urang thau ngak haning, nan lac  taha Cu Lim, thun ini umo 83 thun.

Ngan haong urang Pa Cô meng kan dahlau, haning lac pandap nao gam haong rup, tuk halei jeng hu bhap bani ba tui tuk tame glai. Min tui panuac khan di taha Cu Lim ye harei ini, hu biak takik urang thau ngak haning. Ong lac, piah ngak hu sa mbaik haning piah mar cuh athur glai, pametai hu anek cagau lac sa bruk suai livik. Gam ndom, taha Cu Lim gam mek ka khaol dahlak mong dom mbaik haning bo dahlau diah ong ngak piah nao mar athur glai. Mong tame mbaik haning biak khang kajap, taha Cu Lim brei thau: Rup haning lac labik quan trọng di mbaik haning, piah ngak hu sa rup haning khang kajap, urang njauk tame glai palih ruah phun dẻ glai taha, bloh ba mai pambu thu angaok ghing, hadei di nan bào ka nyu tapak. Daok cánh haning njauk pandar phun trầm na meng khang kajap, hu độ dẻo. 

Trầm na tuk hu ba meng glai mai njauk pambu 2 thun angaok ghing, hadei di nan meng pandar. Dom cánh haning hu ngak meng phun trầm na halei oh tapak ye njauk mbeik veik ka nyu tapak, dua gah cung brei samu gauk. Meyah cánh cung di haning oh samu gauk, gah prong gah sit ye haning cuh oh tapak. Lingiu di bruk palih rup haning, cánh haning ye bruk palih ruah talei haning jeng lac bruk praong ba tal siam lagaih di haning. Piah hu talei haning khang kajap, ngak jeng độ catang mbiah njauk pandar kanduh di phun “gai” pambu thu, hadei di nan pak veik jeng sa talei siam. Daok mũi tên di haning njauk jaraoh meng dom phun kreim la-a oh taha ralo, jeng oh meda ralo. Dom mũi tên njauk jaraoh ka nyu tapak, tuk nan jalan cuh mũi tên meng njauk hu. Kayua bruk ngak biak kan yau nan bo takik manuac takre bruk ngak haning ini.

Lac sa janih vũ khí thô sơ meng lavik saman di bhap bani Pa Cô, meda mong haning yau sa drap ar di ong muk caik veik min nyu dak harei dak lahik nao tuk oh hu thei thau ngak sa mbaik haning siam yau taha Cu Lim.“Dahlau deih, ame dahlak lac urang pato ka dahlak thau ngak haning meng kan di urang Pa Cô piah nao mar athur glai. Piah ngak hu haning di urang Pa Cô ye brei tari tareng meng ngak hu kayua brei ngak catang meng yaok công đoạn, oh ngak meng ngak hu”. Taha lac yau nan saong daok khan lac: “Dahlak tok caong khin khik veik dom siam mekre meng kan di ong amuk caik veik”. Kayua yau nan ye, urang likei dam halei dalam xã khin bac ngak haning ye taha abih hatai tacei pato, min takik hu thei ngak hu siam, kayua lac ngak haning oh mbuan. Sa-ai Thắng, xã Hồng Tiến brei thau: yaok mbang hội thao quân sự ka bruk pakacah cuh haning, xã đội khaol dahlak nao tal sang taha Cu Lim nyim dom mbaik hainge di ong nao pakacah. Dom mbaik haning bo taha palei Cu Lim ngak biak khang kajap, talei haning biak catang, oh njauk lac thei jeng pandar hu. “Harei dahlau yaok mbaik haning bo taha Cu Lim ngak tabiak, yaom sa baoh krah ameh” – amuk Trần Thị Bẻo, diuk ong khan lac yau nan.

Ong Lê Văn Miêu, akaok UB bhap bini xã Hồng Tiến, bal sit Hương Trà brei thau: Urak ini di xã Hồng Tiến, taha Cu Lim nan lac sa urang duy nhất daok ngak hu dom mbaik haning meng kan di urang Pa Cô. Khaol dahlak caong khin hu ralo ayut ranaih meda bac megru hu bruk ngak meng kan ini meng ong./.

Trang Hạ