Pathau mikva saong taong abih gauk!

Bruk anit ranam, bruk thau dhar phor di mikva Pa kô – Vân Kiều ngan saong Chủ tịch HCM dalam tukvak urak ini, lac kham merat ngak tui jalan hadah krah siam mekre di Wa. Kadha vak di Hồng Nhung, urang vak di rayo sap ndom VN:

Rai diuk di urang Pa kô - Vân Kiều di A Lưới, Thừa Thiên Huế, dak harei dak hu patagok. Bruk “Bac megru saong ngak jalan hadah krah siam mekre di HCM” daok hu peih ngak praong. Bruk ini hu mboh ralo di palei dom urang hu họ Hồ, nan lac xã Hồng Hạ, huyện A Lưới.

Urak ini, njauk ndom lac bruk ngak tui panuac wa, bac megru tui jalan hadah krah di wa, hu pambak praong dalam bhap bini. Yau bruk patak pataom dalam pandar cai yaok harei. Yaom lac hu ralo baoh sang pablei kabau limo, pala glai pablei kayau mek jien tame yaok rituh triệu đồng, min urang patak pataom oh pandar cai sung bruk. Aatu lac brei jum pataom gauk. Dalam puk palei, dalam baoh sang brei jum pataom, oh taong paoh gauk. Bac tui wa ye brei bac ralo janih, min nan lac dom asal siam ka mikva – lac panuac khan di taha palei Hồ Hoài Nam.

Langiu bruk di sa urang taha palei, ong Hồ Hoài Nam lac sa nghệ nhân. Ong peih hu 3 tal pato ka dam dara – thiếu niên di xã Hồng Hạ saong padang hu 2 kapul daoh tamia, parang me-in dom lagu daoh bhap bini saong me-in alat ragam meng kan di bangsa.

Urak ini, tal harei lễ, harei tết ye dom kapul ini parang me-in di puk, palei, di xã dom kadha ndung bak ilamu bangsa. Saong dahlak caong lac hu khik ramik jang, patagok jangyaom glaong ilamu di palei negar.

Dalam gah patagok kinh tế, njauk ndom tal ong Hồ Viên Pưa, daok di palei A Hưa, xã Nhâm, huyện A Lưới: “Dahlak lac sa urang đảng họ Hồ ye dahlak brei ba akaok nao dahlau. Ngak kaya chính đáng. Oh tham ô tham nhũng. Oh palai pajoa. Nyaom roya đảng bộ xã ba tabiak bruk lac jien mek tame 6 triệu đồng sa urang sa thun. Dahlak kham merat mek hu 20 triệu đồng. Drei kham merat ye urang ngak tui drei.

Umo taha, urak ini  yaom lac oh hu mbaok tame bruk đảng, bruk karja, min ong jeng hu mbaok tame bruk di puk palei lac taha palei A Hưa. Gam saong bruk patagok kinh tế, ong Hồ Viên Pưa bhian daong, pachreih anek kamuan bac daa. Hu 3 urang anek, ye dua anek di ong tame đại học nông lâm. “Dom anek tame đại học nông lâm kayua kinh tế bhum ini caong yau nan. Drei gam ngak, gam patagok, gam daong mikva dalam xã./.