Yaok harei ong pajeng ba anek saih nao bac 

Lac xã biak kan kandah  di  huyện Yên Bình, xã Yên Thành hu labaih  70 boh sang daok angaok kaoh di danao Thác Bà. Bruk nao mai pambuak pagam tame  gaiy gilai. Anek saih khin nao bac njauk eng drei vah gaiy nan tal sang bac , kayua amaik ame oh hu tuk vak pajeng ba. Dom adei sit njauk klaak bac meteh dhi kayua jalan nao mai biak kan kandah , mbuan si ba tal mblung ia. Thun  2016, sang bac bangsa  bán trú THCS xã Yên Thành hu padang tagok, dom anek saih bac daok veik abih adit, bier harei car meng mai sang,  mesup harei som hu mbaok di sang bac. Rilo amaik ame njauk klaak bruk hamu apuh piah ba anek nao bac, nan ye abih rilo tuk vak  .

Thun  2017, sa kapul ngak pahla  hu dong ka sang bac  sa gaiy pasei . Kapul amaik ame  sang bac ginum biai, duah thau song jak ba saai Lý Văn Thiểu peih gaiy pajeng ba dom adei anek saih. Jien  xăng menyek  ka sa mbang pajeng dom adei  nao bac abih dom pluh ribau đồng, nan oh ka ndom tal jien pasiam jam riak, min saai  Thiểu ngak brei saoh abih, oh ndok amaik ame rik jien tame.  Saai  Thiểu khan lac: “Dahlak oh sahanang hatai tuk uranaih eng drei vah gaiy angaok danao tal sang bac. Dahlak thau hu hatai khin thau akhar haroh di dom adei. Dahlak halan hatain rik pren dong ka dom adei urang bangsa di drei hu harei hadei hadah hadai jang ”. Meng harei hu saai  Thiểu pajeng ba dom adei anek saih tal sang bac, dom amaik ame  oh dok duh hatai ka bruk nao mai tuk nao bac di anek di drei. Dom cei gru, anai gru bui sambai jang kayua anek saih nao bac gam, abih di nyu nan lac oh dok anek saih klaak bac , anek saih kham bac tagok cambaih laih tui yaok thun.

Di tukvak pajeng ba anek saih,saai salih  ca trực khik iek hong đồng nghiệp, pajeng ba anek saih nao bac khik kajap siam mekre, salamat. Akaok  UBND xã Yên Thành Nguyễn Văn Yên ndom lac: Bruk ngak pahla song hatai siam di saai  Thiểu ngan saong dom anek saih hu mikva puk palei mboh saong pok meyaom. Bahrau ini, saai hu sa doanh nghiệp taduan tame ngak  bảo vệ yau nan ye hu jien bilan saong raidiuk tani tanat jang./. .

Urang lang: Hanipha -2/3