Ong Huỳnh Phương Trúc, urang taong ikan hu rilo rai kak kajap haong bruk taong ikan tasik daok di ấp Chợ, ban sit Vàm Láng, huyện Gò Công Đông brei thau: duk saong dahlau daih, bruk taong ikan biak mbuan lagaih, abih di nyu nan lac taduan hu rilo sarak, rilo bruk daong ba di karja." Bruk taong ikan, kol dahlak hu karja daong taong abih, ngak kapal praong labaih 400 mã lực hu daong 90%, sit jang nan daong hu  70%. Gilang pariak jeng brei mesraiy jien piah blei pandap taong ikan, blei jamriak bahrau piah tabiak tasik, taong chap hu siam jang. Duk saong dahlau daih, hu sahanag hatai jang, hu ginup meda jang."

       Tal urak ini,  Tiền Giang hu daong ka urang nao tasik hu mesraiy jien tui Nghị định 67 di Rajaei brei ka urang taong ikan ngak bahrau 41 kapal gilai taong ikan di tasik atah, daong pasiam 37 gilai ikan. Lingiu di nan, dalam tỉnh daok hu labaih 270 gilai ikan hu mesraiy jien lưu động, jaik 300 kapal hu daong jien blei bảo hiểm saong daong ka labaih 80 kapal ngak dịch vụ hậu cần nghề cá. Ngak tui Quyết định 459 di Thủ tướng Rajaei, tỉnh hu brei 200 máy thu trực canh piah thau bruk lingik tasik ka urang nao tasik atah; pagam jamriak pambuak vệ tinh di dự án Movimar brei ka 100 gilai ikan. Piah daong ka urang taong ikan hu kein laba, trun takik jien chi phí, Liên đoàn lao động Tiền Giang daok hu padang 4 nghiệp đoàn nghề cá mgak bruk tani tanat, ngan saong dom bruk ngak yau: khan brei thau adat hukum, tacei ilamu taong ikan, daong ngak sang mái ấm Công đoàn ka urang taong ikan kan kathaot.. Sở  ngak nong saong patagok palei pala pambuak saong karja dom puk palei padang hu labaih 70 kapul jum pataom nao tasik ngak bruk hu kein laba. Amuk Nguyễn Thị Thu, Chủ tịch UB bhap bini ban sit Vàm Láng, huyện Gò Công Đông lac: "Urakini, ban sit Vàm Láng padang hu 19 Tổ taong cap kaya ikan. Dom tổ ini pambuak bruk haong gauk, daong gauk taong ikan, daong gauk tuk gaok bala, patrun jien chỉ phí , ba mai kein laba ka yaok baoh gilai. Meda lac, dom gilai pambuak gauk ngak mbang hu siam, ba mai kein  laba ka yaok sruh gilai."

Kayua dom sarak daong urang taong ikan biak siam nan ye sản lượng taong cap kaya ikan di Tiền Giang hu jaik 100.000 tấn hadang ikan dom janih, rilo jang 1,3% duk saong thun dahlau. Dom kapal, gilai nao tasik jeng hu siam mekre, oh njauk khat lihik kayua bala meng lingik tasik. Rilo urang taong ikan hu jeng dom urang kaya meda. Amuk Lê Thị Sanh, urang ngak ikan di palei Xóm Lưới, xã Kiểng Phước, huyện Gò Công Đông brei thau: "Thun ini taong cap hu tani tanat, taong njauk, taong hu rilo. Hadang, ghẹ mực, ikan hu rilo, kein laba rilo. Puac thun ngak hu, duah hu rilo jien. Di palei tuk halei jeng mbang tết bui sambai, hu ginup abih janih…."

        Dalam tuk biến đổi khí hậu, bruk nao tasik taong ikan meda gaok cuang kandah. Nan ye Karja, kapul nyaom dom pakat di tỉnh Tiền Giang meda hu dom sarak, dom jalan ngak piah daong urang taong ikan tabiak tasik atah. Ong Lê Minh Hùng, Phó Chủ tịch Liên đoàn Lao động tỉnh Tiền Giang lac:" "Urak ini, mBan thường vụ Liên đoàn Lao động tỉnh pataom tame ngak brei glaong chất lượng 4 nghiệp đoàn dalam tỉnh. Ngak habar ka chất lượng bruk ngak nghiệp đoàn hadei di tuk adei sa-ai nao tasik taong ikan, tuk mai sang hu sinh hoạt, peih dom bruk doang gauk, dalam nan hu bruk padang ngak sang Mái ấm Công đoàn. Hu yau nan adei sa-ai chreih chrai kak kajap haong dom pô kapal piah tabiak tasik, sahanang hatai nao tasik."

Meng dom sarak, dom jalan ngak siam di dom gah, dom pakat, gam haong bruk njauk hatai, pachreih tui di mikva urang ngak ikan tỉnh Tiền Giang, jia lac bruk nao tasik taong cap ikan di tỉnh Tiền Giang dak harei dak hadah hadai./..