Urang thương binh bangsa Khmer ngak kinh te naih joi

Nao tal ấp Sóc Mới, xã Long Phú, huyện Long Phú, tỉnh Sóc Trăng, ndom tal ông Sơn Lộc lac thei jeng thau saong iek praong urang dahlau thiah ngak bol lin, thương binh, joi ngak kinh te, sa kreih camin hadah ka mikva Khmer dalam puk, palei ngak tui. Dalam tuk pahadar 70 thun harei Thương binh liệt sĩ, dalam kadha “ kreih camin palei negar” harei ini, daa mikva saong grauk yut  pang kadha vak di Trung Hiếu ndom ka kreih camin ini:

  Thun 1984, urang likei dam Sơn Lộc halan hatian nao tagok jalan nao ngak lin khik caga taneh ia, dalam tuk mesruh di chiến trường K, ông njauk siu di kol khamang saong meta gah ieu lihik nao oh maong mboh hagiat.

Hadei di 3 thun mai veik palei saong plak tangin saoh, thun 1990, ông khin kumei, raidiuk dak kan kandah jang. Hu bruk pachreih ba di diuk saong hatung hatian di urang lin Cụ Hồ, urang likei Sơn Lộc yam tapa hu dom mặc cảm piah yam tagok dalam raidiuk. Yaom lac dua diuk pasang tok hu dua công hamu ( sumu 2000m2), min meng tari taring, oh huac glaih glar, hu pasram dalam mesruh metak, phẩm chất “ bộ đội cụ Hồ” sa mbang tra daong dua diuk pasang ông kham merat yam tapa eik lipa, kathoat rambah. Meng dua công hamu, diuk pasang ông mek sa công pala njam, sa công pala padai piah mbang. Phun njam di ông pala rilo meng lac bắp cải, lathun hala, bí đao, baoh tamun…mek katut raong atah; taphia di nan, raong pabui binai saong pabui ralo. Yaok thun, jien patak pataom hu diuk pasang ông blei hamu veik piah peih praong pala drak.

Ông Sơn lộc brei thau: Dom thun dahlau tuk bahrau khin gauk, raidiuk biak rambah rambup, gam saong thương tật dalam rup tuk halei jeng ruak kik, rilo tuk khik klak abih. Min, sahaneng tal diuk, tal dom đồng đội ndih trun piah drei hu daok veik, ye dom kandah anak meta lac oh lac hagait. Meng sahaneng mboh yau nan, dahlak kham merat ngak meda di taneh drei. Rilo thun ini mai, diuk pasang ông Sơn tuk halei jeng jar var tapeng hamu padai, puh njam, raong glang piah paglaong jien mek tame. Taphia di nan, ông kham merat patak pataom, kuhria jalan ngak kinh te sang, patak pataom phun jien, buh veik ka pala drak.

Meng nan bo urak ini,  sang ông Sơn Lộc hu ginup meda, hu labaih jien padai saong dalam tangin ông hu 40 công taneh hamu ( sumu 4 ha). Jeng tui ông Lộc, meng jalan ngak njauk di đảng saong karja  nan ye bruk ngak mbang jeng siam lagaih. Oh lac thương binh tari taring, ông Sơn lộc daok kham merat bac megru, duah thau alamu ky thuat piah pandar tame pala drak, bhian hu mbaok dalam dom tal pasram, ginum biai ka pala pajaih padai barau, hu năng suất saong chất lượng. Meng nan, dalam pala drak, ong Lộc pandar dom pajaih padai bahrau, hu năng suất glaong  saong hu yaom kinh tế. Taphia di nan, urang thương binh Sơn Lộc jeng lac urang tuk halei jeng daong mikva puk paga yam tagok tabiak truh kathaot meng dom bruk ngak ye: daong pabui pajaih, ba bruk ngak ka dom mikva dalam bhum.

Tui kuhria di urang thương binh ini, meng dom hecta pala padai, 3 công pala njam saong raong glang, hadei di tuk kaoh abih jien buh tabiak, sang ông laba hu labaih 500 trieu dong sa thun. Thun 2016 barau blaoh, thương binh Sơn Lộc hu uy mban bhapnini tinh Sóc Trang pok brei harak meyaom kayua hu thành tích xuất sắc dalam bruk “ urang dhlau thiah ngak bol lin daong gauk patrun kathaot, ngak kinh te naih joi”./.