Doanh nhân ranaih umo Nguyễn Văn Hùng, Tổng Giám đốc Công ty Cổ phần Giải pháp Công nghệ CNC, tỉnh Bình Dương- urang nao dahlau  dalam gah cơ khí, mek hu jak jeng, ba bruk ngak ka yaok rituh urang, jien mek tame yaok thun yaok rituh tỷ đồng.

Caoik dalam hatai panuac di Wa lac “Ndom takik ngak ralo”,“Bruk hagait caong dam dara hu mbaok, bruk hagait kan kandah hu mbaok dam dara”, thun 2007, hadei di tuk bac tamat đại học, Nguyễn Văn Hùng likau ngak lập trình gia công dalam gah cơ khí chính xác, lac bruk daok biak bahrau piah xuất khẩu tapa darak pasar  Mỹ. Meng ilamu pataom hu tapa bruk ngak, bilan 10/2008 sa-ai padang Công ty Cổ phần Giải pháp Công nghệ CNC. Min kayua ralo kadha, ralo mkana, dalam tukvak 2008-2011, Công ty njauk khat lihik saong yaom jien tavak sraiy tagok tal 5 tỷ đồng. Min meng dom thất bại ini nyu ngak ka Hùng pabak hatai khang, kham merat tui jalan drei pilih ruah.  Thun 2012, kinh tế dunya hadah hadai tagok, rilo đơn hàng mai meng dom khách hàng praong di Nhật Bản yau: Denso, Toyota, Mitsumi… hu peih tabiak rilo jalan ngak mbang ka Công ty CNC. Meng di ini, sa-ai Nguyễn Văn Hùng cakrok sa mạng lưới dom doanh nghiệp sit piah klah rabha ilamu, jalan ngak saong daong ka urang yam tapa dom kan kandah. Sa-ai Nguyễn Văn Hùng khan lac:

 “Biak tatuak drei tuk drei lac sa dalam dom urang hu ba  tame Nyaom roya dam dara ngak tui panuac Wa. Dahlak uan tabuan lô kayua ini lac tuk piah dahlak hu taom gaok dom ayut daok ranaih, tapa nan dahlak  hu klah rabha saong kham merat brei mboh hatai caong ngak meda di drei. Dahlak caong lac rairah dam dara hu hatai caong khang jang, piah kol drei meda jeng taneh ia padang mbang ngui.

Hadei di dom kham merat oh thau glaih glar, tal urak ini, hệ thống di sa-ai Hùnghu 5 Công ty thành viên saong jien mek tame tui kuhria lac 200 tỷ đồng, ba bruk ngak ka labaih 200 urang. Tal thun 2020, jien mek di taong abih hệ thống lac 2000 tỷ đồng.

Daok ngan saong anai gru ranaih Trương Ánh Nguyệt, thun  2010 bac tamat sang bac Cao đẳng Sư phạm Lạng Sơn,yaom lac hu brei bruk pato di ban praong, min Trương Thị Nguyệt ngak harak likau mai ngak bruk di sang bac THCS Lũng Và – sang bac bhum 2 – sa sang bac daok jaik biên giới di huyện Văn Lãng. Kinh tế kan kandah, jalan nao mai atah bayah, ngan saong dom amaik ame labik ini, brei anek bac tal tal6, tal 7 lac ginup akhar paje, nan ye brei anek padeih bac. Kayua yau nan ye, hadei di yaok tuk pato, anai Nguyệt saong dom gru pato dalam sang bac njauk nao tal yaok baoh sang piah jak ba amaik ame oh brei anek padeih bac meteh dhi. Jalan mbak bhum ceik nao mai kan kandah, rilo mbang njauk nao mai dalam melam sup, mbuan gaok bala, min meng hatung hatian saong bruk kham merat oh thau glaih glar, anai Nguyệt jak ba hu rilo anek saih mai bac veik. Dalam 4 thun pato, anai Nguyệt rilo thun gam mek hu angan lac gru pato joi pakat huyện, 2 thun gam lac chiến sĩ thi đua gah pato megru huyện, được Công đoàn gah pato megru saong Liên đoàn Lao động tỉnh Lạng Sơn pok meyaom, lac urang lambaok dam dara hadah krah ngak tui panuac Wa di tỉnh luac 2 thun gam.Trương Ánh Nguyệt brei thau:“Hadah mbaok hu lac sa dalam dom dam dara ngak tui panuac Wa, hu mbaok dalam nyaom roya, hu taom gaok dom dam dara urang đoàn meng grauk labik dalam tane ia, drei mboh bruk ngak hu di drei daok biak sit, njauk kham merat jang dalam bac megru saong ngak tui jalan hadah krah siam mekre di Hồ Chí Minh. Caong khin, Đảng saong Karja caik hatai sangka rilo jang tal bruk daong ka gru pato bhum atah bayah, buh jien rilo jang ka bruk pato megru di bhum tapen negar piah ka dom adei sahanag hatai nao bac.

 Dom kreih camin dam dara ini hu rik daong ngak siam bruk paglaong akaok sahneng di urang jakar, urang đoàn, dam dara, uraniah dalam taneh ia dalam bruk bac megru saong ngak tui jalan hadah krah siam mekre di Hồ Chí Minh./.