Rayo sap ndom Việt Nam song Ủy ban bangsa brei paglaong jang bruk pathau khan ka dom sarak, jalan ngak di Đảng, hukum di karja

Akok Mentri Y te Nguyễn Thanh Long brei thau, bruk jit ruak di Viet Nam daok pasang iek hu dalam negar, min dom urang njom mbak dalam bhap bini saong metai daok tagok di rilo tỉnh, ban. Yau ye, dalam adit tapa urang njom Covid-19 dalam bhap bini tagok di 40 tỉnh,ban. Yau nan ye, ong caong khin tukvak anak tal brei patui bruk pakhang dom jalan pacang caga jit, abih di nyu lac tui pasang iek piah hu thau samar, taong ruak piah trun takik ruak trak, takik metai, klauk jru vaccine. Ong Long jeng hu panuac lac, langik tasik daok salih bilan Đông tal Xuân lagiah ka bruk cak rok patagok, bruk njom mbak di virus; rilo tagok bruk nao mai pablei salih tuk Tết Dương lịch, Tết Nguyên đán 2022; mbuan njom mbak di anek ruak birau.

Tui danak dak pambuak gauk, dalam tuk meng thun 2021 tal thun 2025, Rayo sap ndom Việt Nam song Ủy ban bangsa brei paglaong jang bruk pathau khan ka dom sarak, jalan ngak di Đảng, hukum di karja, dom jalan ngak prong, suai lavik, danak dak atah dhua, dom sarak ka bruk bangsa mangaok rayo sap ndom Việt Nam (TNVN). Jhul khang bruk pathau khan paglong ilamu, hatai sangka di mik va dom bangsa, pacang bruk “diễn biến hoà bình” di dom kol khamang, rik dong patagok abih gah kinh tế - xã hội, pasiam song paglong rai duik, hatai sahneng di mik va bhum bangsa takik song bhum ceik; patagok bruk jum pataom abih bangsa, pasamu gauk, jia tame bruk pal akaok di Đảng. Di nyaom biai pataom iek veik danak dak pambuak bruk tuk vak 2011 - 2020 song mbaoh tangin tame danka dak pambuak bruk tuk vak 2021 - 2025 di Ủy ban bangsa song rayo sap ndom VN bahrau ni, Ủy viên TW Đảng, Tổng Giám đốc rayo sap ndom VN Đỗ Tiến Sỹ ndom lac: “ bruk pambuak gauk di Ủy ban bangsa lac sa bruk hệ thống hóa glong jang dalam bruk pathau khan song hu ngak brei cambaih laih dalam tuk vak anak tal.”

Page 10/12, di Sang iek ruak Quân y 175, Ban Tuyên giáo Trung ương, Báo Điện tử Đảng Cộng sản Việt Nam pambuak bruk peih Hội thảo ilamu “30 thun pambuak bruk quân dân y angaok tasik, pulao” piah taong yaom dom makna, bruk ngak hu jak jeng di bruk nan dalam 30 thun tapa, bac megru hu saong ba tabiak jalan ngak piah pakhang, patagok bruk nan dalam tukvak anak tal. Tapa 30 thun, danak dak peih ngak hu siam bruk iek glang, khik caga prein yawa bhap bini saong bol lin angaok tasik, pulao kaoh; pakhang y te di 972 xã, dalam nan hu 597 xã di bhum atah bayah, bhum taphia negar, kaoh pulao. Abih di nyu, lac padang ngak hu jak jeng 5 bruk pablak tame bruk ngak di pasak y te huyen ngan haong kapul quan y di mBan Chỉ huy quân sự huyện…

Chánh Văn phòng Sở Y tế Nguyễn Thị Huỳnh Mai brei thau, ban raya HCM oh ginup pok jru C (jru pacang virus) piah brei ka tong abih F0, yau nan ye hu brei dahlau ka F0 di nyom mbuan si ruak trak tagok lac urang prong thun, hu ruak dahlau dalam rup. Dom urang hu brei dahlau jru pacang virus lac F0 umo labaih 65 thun, hu ruak dalam rup, tui bruk khik caga nyaom mbuan si ruak trak di ban raya. Tuk test samar pasang iek Covid-19 thau dương tính, urang hu bilac y tế phường mai tal sang brei chip 3 pok jru A (jru pandiak, vitamin), pok jru B (pacang viêm, pacang liar – tok brei sa mbang ), song pok jru C. Pok jru C urang ruak menyum chip, dok pok B menyum tui tacei pato di bác sĩ tuk ruak trak. Tui muk Mai, dom F0 dok ranaih, khang kajap oh mboh hagait , hu klauk ginup 2 mbang vaccine pacang ruak, ye oh dok dalam bruk brei pandar jru pacang virus.

Dom urng ilamu Nam Phi song Đức hu khan brei thau oh ka ginup abih ka 2 roh duah sit. Tapa dom roh duah brei thau dom janih vaccine urak ni trun siam lagaih dalam pacang cakak bruk njaom mbak di biến thể Omicron, min dok khik caga urang ruak oh njauk ruak trak. Roh duah di Đức brei thau mbang klauk patagok hu pasiam veik kein lagaih di vaccine, abih di nyu nan lac dalam dom bilan. Di Nam Phi, dom urang roh duah di Viện roh duah Y tế châu Phi mek janih drah di labaih 10 urang hu klauk 2 mbang vaccine di Pfizer song mong iek siam kháng thể dalam bruk pametai virus. Tapa nan mboh lac, kháng thể kayua vaccine ngak tabiak meda pacang hu biak siam dom biến thể dalhau deih di virus SARS-CoV-2. Min, prein pacang di kháng thể ngan song bruk pametai biến thể Omicron nyu trun biak rilo.

Klau sruh radaih buyt peih eng kayua Kapol nyaom cong nghe Baidu Trung Quốc ngak tabiak peih nduac iek di ban Trùng Khánh, taong yaom bruk ngak patagok dahlau dalam bruk pablei salih cong nghe radaih peih eng di taneh ia ini. Radaih buyt nan hu angan lac Robobus, meda peih pakat 4, nan lac radaih meda peih eng dalam abih labik bo oh hu urang peih radaih./.

Urang lang: Hani Pha – Bhumi – 11/12 14:30:00