Kadha tamia ngak veik urang labik pacang jit Covid-19

  Melam kabroi di Hà Nội, Tổng Liên đoàn Lao động Việt Nam pambuak haong Mintri Y tế saong rayo papar binguk Việt Nam peih danak dak “Việt Nam – hatai caong saron mbon”. Hu mbaok di danak dak hu rilo urang pan akaok pakat glaong di Đảng saong Kanja. Danak dak ba mai ka manuac iek mboh dom pandap panda di dom urang ruak F0 lahik kayua Covid-19, dom panuac khan di dom y bác sĩ bahrau mai meng bhum jit hadei di rilo bilan nao daong dom tinh, bal gah maraong saong dom urang jakar công đoàn cơ sở kandang joa “3 gam” haong urang ngak kong. Jeng dalam danak dak ini, Tổng Liên đoàn lao động Việt Nam hu pok meyaom, dhar phor urang jakar, urang ngak gah y tế abih hatai duh pamere, taong ruak ka dom urang ruak Covid-19; pok manyaom urang jakar công đoàn abih drei ka đoàn viên, urang ngak saong jao jai thuong ka dom urang hu kadha biak gheih, mek hu jai dalam Mbang pacacah paneh kadha daoh “Ragu daoh labik mesruh pacang jit” saong bruk pacacah video clip “tukvak kan var hu”.

Di tuk Pahadar  75 thun harei peih jalan meng Bến Tre tabiak gah brak (1946) song  60 thun peih jalan Hồ Chí Minh angaok tasik (23-10-1961 - 23-10-2021), Harei  31-10, Ban thường vụ Tỉnh ủy Bến Tre peih ginum biai ngan saong kadha : “ patagok brukm ba akaok peih jalan, peih mblang  jalan Hồ Chí Minh angaok tasik, patagok  Bến Tre mai gah timun”.  Brei panuac dalam ginum biai , dom urang lambaok ndom lac , bruk peih mblang, peih jalan Hồ Chí Minh angaok tasik di dom tỉnh gah merong, dalam nan hu tỉnh Bến Tre piah taduan phao ndao  meng gah brak dong ka gah merong lac jalan ngak njauk, hadah krah di Đảng, Wa Hồ song bol bala drei. Di Bến Tre, Kapul urang jarka tapa tasik tabiak gah brak  taom Wa Hồ song Trung ương Đảng di akaok thun 1946 kayua muk Nguyễn Thị Định pal akaok, lac jalan piah ka Trung ương brei peih jalan  Hồ Chí Minh angaok tasik hadei di nan.

Dalam danak dak di mbang rivang ngak bruk di negar Anh, bier harei 31/10/2021 (tui maong pak ni), di Edinburgh, Scotland (negar Anh) Thủ tướng Rajaei Phạm Minh Chính hu taom gaok rahra urang Việt Nam daok di Anh saong hu mbaok di Mbang jao paok jien rik daong ka Việt Nam pacang caga jit COVID-19. Jeng dalam harei nan, di ban Edinburg (Scotland) di Liên hiệp Anh saong Barak Ireland, Thủ tướng Rajaei Phạm Minh Chính hu mbaok tame bruk brei thau ka jalan par tapak Việt - Anh di Hãng kapar haok Bamboo Airways saong tabiak mbaok Tổng đại lý di hãng daok di negar Anh.

Tui akaok mintri  Y tế Nguyễn Thanh Long, meng bilan  11/2021, bruk klauk vaccine pacang COVID-19 brei ka uranaih hu peih ngak di grauk labik dalam negar song janih  vaccine Comirnaty kayua Pfizer-BioNTech di  Hoa Kỳ ngak, hu gah Y tế dunya ieu  klauk ka uranaih song hu rilo taneh ia pandar. Dalam adit tapa  ban raya  Hồ Chí Minh lac labik nao dahlau dalam bruk klauk vaccine ka uranaih.

Mbang ka 9 dalam thun ini gas tagok yaom. Mbang ni, yaom gas tagok jang 17.000 đồng, tui nan yaom gas pablei lẻ tal tangin urang pandar di rilo hãng tagok tal 500.000 đồng sa bình 12kg. Yaom tagok ini hu pandar meng harei ini 1-11. Ong Lê Quang Tuấn – Phaok Yam ndok Cty CP Thương mại dầu khí Thái Bình Dương – brei thau, yaom menyek di dunya tagok kayua bruk pandar gas pakhang bilan liar tagok khang, dalam tuk nan dom mỏ khí di dunya urak ini daok gaok kan kandah kayua bala meng langik tasik, jit ruak nan ye bahrau mek hu 70% dut saong dahlau dieh ba tal bruk pabak nyu kurang.

Mbang nyaom ka 26 Dom gah hu mbaok tame Công ước khung di Liên hợp quốc ka bruk  biến đổi khí hậu (COP26) hu peih tabiak di ban  Glát-gâu (Glasgow) dalam  Xcốt-len (Scotland), taneh ia Anh harei 31/10. Tui kuhria dalam jiak 2 adit rah tabiak mbang nyaom, lambaok di jiak  200 taneh ia hu ginum biai jalan pacang caga bruk pandiak tagok di dunya.

  Cục Khik ramik Pandap mbang saong Jru tavao Mỹ (FDA) bahrau khan lac brei hu rilo tukvak jang piah taong yaom vắc-xin Covid-19 di hãng jru Mô-đơ-na (Moderna) hu brei pandar ka urang umo meng 12 tal 17 thun halei oh. Hãng jru Mô-đơ-na brei thau, meda lac tal bilan 1/2022, bruk pasang iek brei adat pandar vắc-xin di hãng ka kapul urang meng umo 12 tal 17 thun meng ngak salah. Bruk suai damuai ini hu pambuak tal dom pathau khan ka dom bruk viêm cơ tim hadei di tuk klauk vắc-xin Covid-19 di hãng Mô-đơ-na  di dom urang likei ranaih umo thun.

Adit bloh,  urang njom COVID-19 dalam dunya tagok mbiah 5%, dalam nan châu Âu meblah biak rilo, tuk  tagok 14%. Di Anh - negar hu urang klauk jru pacang  glong saong brei klaak jiak abih dom jalan pacang caga jit, urang njom yaok harei jeng dok hu di tanut 40.000. Min, urang tame sang iek ruak song metai di taneh ia  Anh bier jang dut song mbang tamuh jit ka  2 di bilan  1-2021 hu mong lac kayua hu klauk  vắc xin./.

Urang lang: T.Thảo & H.Pha – 1/11/2021