Akaok mintri  Y tế Nguyễn Thanh Long brei thau, tal mesup  30/11, Việt Nam oh ka hu urang halei njom  Covid-19 song  biến chủng Omicron. Meng hadei di tuk hu thau  ka  biến chủng Omicron, piah samar pacang cakak  song pasang iek jit Covid-19 dalam taneh ia  jang yau pacang cakak bruk mbuan si njom mbak di biến chủng bahrau Omicron tame Việt Nam,  Mintri Y tế hu panuac cong rajaei pasang iek tacei pato brei padeih dom mbang par tal song mai meng   dom taneh ia: Nam Phi, Botswana, Namibia, Zimbabwe, Eswatini, Lesotho, Mozambique song padeih brei adat tame VN ka tuai tal song mai meng dom taneh ia nan.

Di tỉnh Tiền Giang, tal puac bier harei 30/11, labaih 143.600 anek saih dalam umo meng 12 tal ala 18 thun hu klauk vaccine caga COVID-19  mbang 1, mek hu labaih 95% dut saong abih tih dom anek saih dalam umo hu klauk jru (dom anek saih daok viek lac F0, F1 daok di labik pacang viek nan ye ka oh nao klauk hu). Hadei di tuk klauk, hu dom adei njauk sốc phản vệ  min hu y, bác sĩ daong samar nan ue prein yava di dom adei hu tani tanat.

Jit  COVID-19 dok rah tabiak tui jalan srau kadau, di dom  tỉnh Tây Nam Bộ, urang njom bahrau gam gam tagok glong, rilo  tỉnh ban  brei patagok tanut jit. Ni lac bhum ngak kaya ikan prong, ngak ka dom  doanh nghiệp kaya ikan  biak duh hatai ka bruk pasiam veik tuk vak puac thun. Dom  doanh nghiệp brei thau, urak ni bruk klauk mbang 1 vaccine di dom  tỉnh gah merong dok biak beir , rilo labik oh ka tal 50%, kayua yau nan ye urang ngak huac nao ngak bruk song doanh nghiệp jeng biak huac ka bruk tamuh jit dalam sang mac. 

Bier harei kabroi 30/11, Công an tỉnh Sóc Trăng hu peih bruk jao thuong chip ka bruk ngak naih dalam mbang taong tayah bruk Đánh bạc  saong peih bruk đánh bạc di ban Sóc Trăng.  Meng panuac khan di rahra saong meng dom ilamu ngak bruk, Công an tỉnh hu duah mboh dom urang đánh bạc meng jalan số lô, số đề, cá cược ngan haong yaom jien tagok tal labaih 1 ribau tỷ đồng, cap khik 17 urang pambuak tal, pasang iek rilo labik dalam Ban Sóc Trăng, pataom mek biak rilo jien mbaok, thẻ ATM, phone par tangin, komputer, laptop saong rilo pandap panda hu pambuak tal. di mbang jao jai thuong, urang par akaok tỉnh hu jao Harak manyaom di mBan Thường vụ Tỉnh ủy saong jao jien thuong lac 30 triệu đồng ka mBan Chuyên án. Đại tá Lâm Thành Sol – Giám đốc Công an tỉnh jeng hu thuong ka mBan Chuyên án 30 triệu đồng.

Mesup ni (1/12), Công an huyện Ninh Sơn, tỉnh Ninh Thuận brei thau , hu tabiak bruk khởi tố dom urang, peih bruk cap khik Mai Xuân Hoàng Liêm song Nguyễn Nhật Trung ka duas ngak njom mbak jit ruak kan kandah ka menuac urang. Tapa duah thau, mboh lac Liêm song Trung lac urang peih radaih di hãng radaih Đăng Nhân di  xã Quảng Sơn, pajeng pandap nao mai jalan  Ninh Thuận - TP.HCM. Dalam 10 harei akaok bilan  9,  2 urang peih radaih song hãng radaih Đăng Nhân mek radaih pajeng tuai tame bruk pajeng pandap panda, ngak suan hukum ka bruk pacang caga jit ba tal jit ruak njom mbak tabiak bhap bini.

Bruk praong hu dom gah thông tấn, dom blah mbao praong saong rayo papar binguk di Nga ba tagok rilo dalam harei 30/11 lac bruk ginum biai di  Tổng thống Nga V.Putin haong Akaok negar Việt Nam Nguyễn Xuân Phúc. Di mbang ginum biai, urang par akaok negar Nga ndom lac “iek praong talei pambuak bruk haong Việt Nam”. Hadei di ginum biai, Tổng thống Nga V.Putin saong Akaok taneh ia Nguyễn Xuân Phúc hu tabiak harak khan brei thau ka jalan cak rok patagok talei pambuak bruk abih gah di LB Nga haong Cộng hòa xã hội chủ nghĩa Việt Nam dalam tukvak tal thun 2030.

Urang ilamu gah dịch tễ học dang akaok di  Mỹ Anthony Fauci harei kabroi ndom lac, biak kan piah thau lac  biến thể Omicron meda ba tal ruak trak halei oh . Dom panuac khan tuk camereip meng Nam Phi brei thau O-mi-crôn oh ngak ka urang ruak dang anak dom triệu chứng karei. Ong Phâu-chi brei thau, tapa pasang iek mboh lac, dom biến thể ni hu bruk patagok prein njom mbak dut song  virus camereip . Min biak kan piah sahneng tabiak talei pambuak gauk di bruk njom mbak ni song prein ba tal  dom urang ruak trak yau biến thể Delta. Dom urang ilamu brei hu rilo tuk vak jang piah tong yaom ka biến thể bahrau ni.

Harei ini, Tổng thống Bê-la-rus Alexander Lukashenko brei thau Bê-la-rus meda kham marat langyah dom bruk di cư dahlau di puac thun ini, saong brei thau lac, hu ba labaih 1 ribau urang di cư mai viek I-rắc.  Liên minh châu Âu hu panuac lac Bê-la-rus caik ka dom urang di cư mai tal taneh ia ini, tapa jalan tapen negar suan hukum tame Ba Lan jang yau dom taneh ia karei dalam liên minh. Gah Belarus tuk halei jeng tah klaak, maong ini lac panuac ndom jhak, oh njauk. Dalam sa bruk karei, Ba Lan harei kabroi hu brei thau lac, mayah Ba Lan haong Be-la-rus gam kham marat langyah dom bruk srau kadau gah manuac di cư, Ba Lan meda daong jien padai ba manuac di cư nao viek I-rắc saong dom taneh ia karei./.

Urang lang: T.Thao & H.Pha – 1/12/2021