Di Pasak Duh harak gar karja xa Lạc Dương, sa-ai kamei A Dắt K’Lê Vơ, urang ngak dalam Uy mban Mat tran Negar Viet Nam pakat xa, gam haong dom urang halan tian tuk halei jeng hu mbaok meng page piah duh rahra ngak harak gar karja. Dom urang halan tian tacei ba tut angan tai khoan rahra ndien tu, pandar jitvu karja online, ngak lek taka so ka harak gar, daong rahra pabak saong ngak salah blaoh dom harak gar hu pambuak.

Sa-ai K’Lê Vơ brei thau, rilo rahra oh ka hu smart phone atau var lek taka kandauk tame. “Khaol dahlak hulin daong meng yaok jalan, gaok mai daok brei ka rahra phone piah rahra tame saong pabak harak gar. Lac rahra hu lavik di bhum taneh ini, dahlak hulin meda hu langyah meng sap bangsa yau nan mikva mbuan si paham thau jang, rilo meng lac dom baoh panuac ndom ka ilamo kong nghe”, sa-ai kamei ndo meyai lac.

Xa Lạc Dương lac labik diukrai rilo di urang bangsa Cil, Lạch (sa dhan di bangsa K’Ho). Kayua oh ka thau pandar jamraik gah ngak kong, rilo urang daok var glai tuk ngak harak gar karja lek taka so, yaom lac hu tai khoan di drei paje. Sa-ai Lơ Mu Ha Mơi (palei 3, xa Lạc Dương) brei thau, mbang akaok meti nao tut angan khan harei menek ka anek, sa-ai duh hatai kayua oh ka thau pandar jamraik ndien tu. Meng hu bruk daong abih tung tian di dom urang halan tian, harak gar hu ngak salah blaoh samar drah, njauk lagaih.

Dreih yau nan, sa-ai Lơ Mu Ha Chiêng (umo 46 thun, palei 4) brei thau, dalam sa var page, sa-ai salah blaoh harak gar khan harei menek ka anek. “Urang jakar saong dom ayut ngak halan tian tacei ba meng abih tung tian, nan dahlak hulin ngak harak gar biak lagaih”.

Xa Lạc Dương hu padang meng bruk pagam klau xa bhum atah bayah lac hu Đạ Sar, Đạ Chais saong Đa Nhim di huyen Lạc Dương (tinh Lam Dong klak). Hadei pagam jeng sa, xa Lac Duong ieu lac bhum palei hu taneh praong abih tinh Lam Dong hu labaih 828km², rahra labaih 14.000 urang, dalam nan rilo meng lac urang bangsa takik. Dom harei akaok meti Pasak Duh bruk karja ba tame ngak bruk, kapul dam dara ngak bruk halan hatian lac kapul hu makna dalam bruk “pan tangin pato bruk”, tacei ba rahra pandar karja lek taka so.

Tui sa-ai Nguyễn Tuấn Anh, Phaok akaok Uy mban Mat tran Negar Viet Nam, Bi thu Ndoan xa Lạc Dương, yaok harei hu meng 5-7 urang halan tian hu rabha pandar daok gilac di pasak piah dil samu duh rahra. Abih di nyu nan lac kapul urang halan tian hu urang bangsa takik di bhum taneh ini nan biak lagaih ka bruk tacei ba mikva, abih di nyu nan lac urang praong thun umo, urang kamei takik pandar ilamo ngak kong bahrau.

Meng harei 1/7, UB Bhap bini xa Lạc Dương pandar bruk karja dua pakat. Pasak Duh bruk harak gar karja meda hu taduan, langyah 378 harak gar karja, rilo meng lac hu pambuak tal taneh riya, hukum, mbaoh tangin mboh tra.

Ong Bùi Quốc Huân, Akaok UB Bhap bini xa Lạc Dương brei thau, meng akaok meti, xa hu pambuak saong Kapul dam dara daong tapak di pasak, kuhria dui atah dalam sa bilan atau suai jang tui hatai caong anak mata. “Khaol dahlak hulin daok padang jalan ngak padang dom kapul ilamo ngak kong ka bhap bini piah mbuan daong, pasram ilamo pandar jitvu karja ka rahra. Jalan ngak daong mikva meda hu thau saong pandar siam lagaih karja lek taka so dalam tukvak anak tal”, ong Huân brei thau./.