Xa Phú Nghĩa bahrau hu padang meng 3 xa: Phú Văn, Phú Nghĩa saong Đức Hạnh, daok di dalam huyen tapen negar Bù Gia Mập (tinh Binh Phuoc klak). Di Pasak Duh bruk karja xa Phú Nghĩa, bruk pandar ilamo kong nghe piah lanyah harak gar karja jeng daok mbuan jang ka abih rahra. Pasak hu peih tabiak rilo jalan langyah, caga kapul daong abih tung tian, daong rilo urang oh ka thau ka kong nghe khau tin khang hatai jang tuk pandar jitvu karja online saong kein lagaih pandar lek taka so.

Sa-ai Điểu Tươi, urang bangsa S’tiêng, daok di palei Khắc Khoan, mbang akaok meti mai tal Pasak Duh bruk karja xa piah langyah harak gar. Kayua labik ngak bruk bahrau di karja hu salih, meng hu bruk tacei ba abih tung tian di urang jakar saong kapul dam dara, sa-ai Tươi hu thau cambaih laih bruk ngak saong salah blaoh siam harak gar ka taneh riya. Sa-ai Điểu Tươi brei thau: “Ini lac mbang akaok meti dahlak mai tal jitvu karja tuk karja palei 2 pakat hu peih ngak. Dahlak hulin mai tal ini, dom urang jakar, urang ngak bruk tacei ba biak tani tanat, pato tacei daong dahlak hulin ngak ka harak gar taneh riya.”

Ong Lê Văn Tuyên, palei Tân Lập, mai pasak ngak bruk likau brei pandar taneh riya jeng hu taong yaom lac, tapa bruk salih lek taka so saong ngak karja 2 pakat, urang jakar, kong chuc di xa hu ngak bruk biak tani tanat, abih tung tian. Dom urang nan tacei ba, langyah cambaih laih piah rahra srap gap harak gar, bi-ar hu ginup saong samar drah. Ong Tuyên caong khin dom sarak, adat saong tacei ba ngak hu lagaih jang daong jhul samar bruk pabak dom janih harak gar, ba mai kein lagaih ka rahra.

Di pasak Duh bruk karja xa Phú Nghĩa daok hu labaih 40 urang kapul dam dara salih gauk daong bruk, daong rahra dalam bruk ngak harak gar karja, peih dalam he thong ndien tu. Tui sa-ai kamei Phùng Thị Cẩm Tú, Bi thu Ndoan xa Phú Nghĩa, dom urang ndoan brei tapak tacei ba rahra dalam rilo harak gar hu makna. Taphia nan, urang ndoan jeng pathau khan saong tacei ba rahra ka bruk pandar ung dung VneID. Abih di nyu nan lac, ngan haong dom urang praong thun umo atau mikva urang bangsa takik daok oh ka thau tani tanat ka kong nghe khau tin, dom urang ndoan daong abih tung tian piah rahra meda hu tame, pandar dom jitvu karja online mbuan abih.

Tuk bruk karja 2 pakat hu ba tame ngak, Pasak Duh bruk karja xa Phú Nghĩa hu ngak biak siam, meng bruk daong di dom mban, dom gah saong kapul. Dom rahra hu mai ngak harak gar karja jeng brei mboh bruk njauk hatai jeng yau caong takre pasak hu patui veik patagok bruk daong dalam jaman salih pandar taka so.

Ong Điểu Dũng daok di palei Thác Dài brei thau, urak ini, jeng daok rilo rahra lac urang bangsa takik gaok kan kandah dalam bruk tut angan dom harak gar karja kayua oh ka thau tani tanat ka ilamo kong nghe. Kayua nan ong Dũng caong khin karja patui veik jhul khang salih lek taka so saong hu rilo bruk daong lagaih jang veik, daong rahra, abih di nyu nan lac urang bangsa takik, thau ngak saong khang hatai ngak dom jitvu karja online dalam tukvak anak tal.

Xa Phú Nghĩa bahrau hu padang meng 3 xa: Phú Văn, Phú Nghĩa saong ĐỨc Hạnh, daok dalam huyen tapen negar Bù Gia Mập (tinh Bình Phuoc klak). Yaom lac peih ngakbruk karja palei 2 pakat jeng daok dalam tukvak ngak ka tathak, blaoh tukvak meng blaoh, bruk buh abih tung tian di urang jakar xa, phuong, hatai daong bruk di kapul halan tian, gam haong bruk ngak samu gauk di he thong chinh tri, lac bruk hu makna piah karja dua pakat di ini ngak tani tanat, siam lagaih jang dalam tukvak anak tal.

Meng ini, rahra hu dak harei dak mbuan pandar dom jitvu karja, hu langyah harak gar samar drah, lagaih, daong paglaong bruk njauk hatai saong raidiuk siam glaong di rahra dalam bhum urang bangsa takik, bhum atah bayah di tinh Dong Nai./.