Dalam dom harei blaoh tapa, di Pasak Duh bruk karja di pulao Phu Quy tuk halei jeng hu urang halan tian mai daong bhap bini rahra.

Gam haong dom dam dara karei, adei Mai Nguyễn Anh Khoa, anek saih bac tal 11A3, sang bac THPT Ngô Quyền daok tacei ba, daong rahra tut angan, pandar ngak cambaih laih angan online; ngak dom harak gar karja di labik lek taka so,…Khoa brei thau, adei lac urang halan tian daok di ini 2 adit saong daong hu ka labaih 10 harak gar. Bruk oh cuang kandah min njauk brei ka hu ngak bruk tani tanat, meyah oh pasiam meng akaok, mada lahik tukvak.

" Khol adei daong dom ong, amuk pabak dom khau tin di labik lek taka so, piah tapa gilang pariak mek jien daong yaok bilan. Rilo meng lac ngak dom bruk hu pambuak tal harak gar baoh sang, brei ka thau hu njauk lac baoh sang kathaot halei oh piah hu jien daong meng dac khu."

Brei mboh tukvak akaok meti di bruk ngak karja palei 2 pakat gaok dom kan kandah, kayua yau nan, urang dang akaok dac khu hu ngak patruh praong dalam saong ngak jeng bruk sa hatai dalam bruk ngak.

Ong Đỗ Thái Dương, Bi thu Ndang uy Kaoh pulao Phu Quy brei thau, tal ini dac khu pulao hu tani tanat bruk peih ngak saong brei patui salah blaoh bruk ngak karja, rilo meng lac dom labik daok oh ka lagaih, daok kurang. Dac khu khik kajap padang hu karja lagaih, ngak bruk hu siam lagaih; yaok urang jakar, urang pan bruk brei njauk lac daong ka rahra.

"Sa asal kadha pasak di pulao dac khu ieu lac padang sa kapul urang jakar tantu cambaih laih, hu ilamo ka bruk ngak piah ngak bruk ka dom thun anak tal, patagok dac khu dalam tukvak anak tal."

Pulao Phu Quy brei thau, kinh te tasik patui veik khik bruk hu makna, pagam haong jirah rivang, pablei salih – jitvu. Kham merat tal thun 2030, jien mek tame kuhria rah tapa tui yaok urang hu 77 trieu dong, dut haong thu 2025 tagok 1,22 mbang. Tal ini, dalam dac khu pulao hu 1.740 sruh gilai taong ikan hu 7.566 urang ngak bruk, dalam nan hu 634 gilai ikan ngak bruk hu prein khang meng 90CV ba tagok. Sa kapul ngak bruk taong ikan ngak bruk biak siam lagaih, pagam haong bruk daong, thraong saong pacang khik kaoh pulao tasik negar.

Dac khu pulao urak ini hu 1 labik pasiam gilai, 4 labik ngak jitvu daong bruk; Pabah lamnge pajeng hu 1.000 tan, padang hu 150 gilai ikan; labik padeih gilai plaih rabuk hu buh jien tame ngak salah blaoh taong abih yaom jien buh tame labaih 446 ty dong.

Bahrau ini, pasang iek dom danak dak di pulao Phu Quy yau ye: mblang labik padeih gilai plaih di rabuk; labik padang danak dak pacang haluh jaleih ar tasik gah Barak kaoh pulao… Akaok UB Bhap bini UB Bhap bini tinh Lam Dong Hồ Văn Mười brei thau: "Dahlak sahaneng lac Mentri Ngak nong saong Alam langik mbaoh tangin padang pabah lamnge ini lac biak hu makna. Langiu bruk plaih rabuk ka yaok ribau gilai ikan tuk rabuk yuk mai ye ini daok hu pabah lamnge ngak hu rilo bruk duh ka asal kadha patagok kinh te tasik."

Gam saong rilo kein lagaih di dalam bruk taong ikan, raong gang pala drak, pataom blei saong ngak ndap nda kaya ia tasik, Thu tuong Rajaei hu mbaoh tangin ka Danak dak padang pulao Phu Quy jeng pasak Taong ikan, jitvu daong ka bruk taong ikan, pambuak duah gilai urang menuac gaok bala angaok tasik. Jalan ngak di Danak dak, tal thun 2030, padang kaoh pulao Phu Quy jeng Pasak Taong ikan, jitvu daong bruk taong ikan, pambuak duah gilai urang menuac gaok bala di angaok tasik di bhum saong dalam negar. Dalam jaman pok drei patagok di taneh ia, Phu Quy daok patui bruk ngak patagok kein lagaih hu dalhau di drei, pandar kein lagaih di langiu piah padang ka njauk angan pasak kinh te tasik, patagok samar, karo kajap, jeng ban medin janih IV dalam thun 2025./.