Thủ tướng ieu Mintri Tài nguyên - môi trường, ieu ban ine Hà Nội, TP.HCM pataom mek, ba klaak dom radaih klak, bruk

Thủ tướng ieu Mintri Tài nguyên - môi trường pasang iek, pathau khan jalan peih ngak dom tanut ka khí thải di radaih nao mai angaok jalan, ieu ban ine Hà Nội, TP.HCM pataom mek, ba klaak dom radaih klak, bruk. Ngan saong Hà Nội, TP.HCM saong dom tỉnh, ban mbuan njom nerak glaong ka langik tasik, Thủ tướng ieu peih ngak catang bruk dak padang saong ba tabiak jalan khik ramik siam mekre langik tasik di dom tỉnh, ban tui najauk tacei pato di Thủ tướng.

Piah caga pacang langik laar brak, piah khik prein yava di bhap bini, Mintri Y tế ieu kakei Sở Y tế dom tỉnh/ban, dom kapul di Mintri bhian tui iek catang bruk di langik tasik, khau tin ka bruk kuhria mboh dahlau bruk langik la-an, abih di nyu nan lac dom labik bhum ceik glaong, bhum atah bayah, bhum biak kan kandah labik meda hu tuyết, laar biak laar piah hu jalan pacang caga hangin laar. Pathau khan, kakei saong patao tacei bhap bini pacang caga hangin khang. Hu panuac ka bhap bini thau, caik hatai tal bruk mbuan patuh, kadung pui, điện giật kayua pakhang pui meng điện saong njauk jru mek meng thak dang cuh kayua pakhang meng dang pui, njuk dalam sang sir. Kakei tal bhap bini njauk pacang sang danaok, khik ka rup pabhap, pabak ginup chất dinh dưỡng, ia manyum; khik hacih saat pandap mbang; oh caik ka pandap mbang njauk njom tachrauk, caik lavik harei.

Vietravel Airlines brei peih pablei harak kapal haok di tuk mesup harei 19-1 ka jalan par meng TP.HCM - Hà Nội, Phú Quốc, Đà Nẵng, Nha Trang... Harei 21-1, hãng hu sruh kapal haoh bharau, tagok hu 3 sruh, piah pajeng tuai tuk tết. Dom mbang par pajeng tuai camereip abih tui kuhria hu par tagok di harei 25-1. Jalan par Bắc - Nam, labik nao tal lac mblang kapal haoh di 6 ban praong nan lac Hà Nội, TP.HCM, Đà Nẵng, Huế, Phú Quốc, Nha Trang hu par meng 1 tal 2 mbang yaok harei ka yaok jalan par.

Mbang pacacah pilih ruah anek saih naih joi pakat negar thun bac 2020-2021, hu 93 anek saih mek hu jai Nhất di 12 môn pacacah. Dalam nan, 26 kapul hu anek saih mek hu giải Nhất, 36 tỉnh, ban hu anek saih mek hu jai glaong hu pilih ruah piah hu mbaok tame mbang pacacah dom kapul nao pacacah Olympic dalam bhum saong di dunya thun 2021. Giải Nhất thun ni oh njauk lac pataom tame dom tỉnh, ban hu angan je joi bo daok hu dom tỉnh bhum ceik yau ye Đắk Lắk, Gia Lai, Lâm Đồng, Ninh Thuận, Quảng Nam, Thừa Thiên - Huế, Bình Định… hu anek saih mek hu jai Nhất. Tapa bruk ni brei mboh, bruk pato magru di dom tinh, ban jeng hu paglaong tui jalan dak harei dak siam lagaih. 

Gah cảnh sát điều tra Công an tỉnh Bà Rịa - Vũng Tàu brei thau, hu ngak salah bruk pasang iek, duah thau, hu payua tal Viện Kiểm sát bhap bini tỉnh piah ba tabiak kaoh tui hukum ong Lê Đình Trung, 54 thun, lambaok CTy bia Sài Gòn Việt Nam kayua ong ini gam dang angan padang tabiak, ka duas "Blah mek quyền ngak po công nghiệp". Tui panuac di gah pasang iek, ong Lê Đình Trung hu tukvak ngak bruk suai lavik di Tổng Cty CP Bia – alak, ia yamen Sài Gòn (SABECO). Hadei di tuk padeih bruk di pak ini, Trung pambuak gauk haong Trần Thị Ái Loan, Trần Thị Khánh Hà padang Cty bia Sài Gòn Việt Nam, eng drei ngak mẫu mã bao bì, nhãn hiệu saong ngak tabiak bia Sài Gòn Việt Nam ngak brei urang meluk haong pandap hu pandar rilo saong hu rilo menuac thau tal lac SABECO.

Rajaei Tổng thống Mỹ Donald Trump tui kuhria meda klaak bruk patakik nao mai yau haong Liên minh châu Âu, Anh saong Braxin. Mỹ ba tabiak bruk patakik nao mai yau haong dom negar ni meng bilan Xuân thun dahlau saong lac sa dalam dom jalan piah patakik bruk mbuan njom mbak virus SARS-CoV-2. Tui panuac brei thau di dom gah, bruk bruk patakik ni meda hu Mỹ klaak meng harei 26/01, gam harei tabiak adat ieu kakei dom tuai negar langiu nao tal Mỹ njauk hu dut iek mboh âm tính haong Covid-19. Tuai meng Trung Quốc saong Iran jeng daok brei patakik tal Mỹ. Bruk ni hu ba tabiak dalam tuk Tổng thống bahrau Giâu Bai-đừn (Joe Biden) tagok rai di harei 20/01 saong rajaei di ong Biden hu cagar veik chip bruk ni di rajaei Donald Trump.

Harak pambuak bruk START-3 di Nga haong Mỹ ka cakak trun phao ndao praong abih tukvak di harei 5/2 tal. Nga urak ini jeng daok caong tame bruk karja bahrau di Mỹ brei dui atah 1 thun tra. Meyah oh hu yau nan, tui dom urang ilamu gah, dunya meda dang anak bruk pakacah gauk ngak phao ndao.

Indonesia mda dui atah veik 3 harei dom bruk roh duah dom urang njauk bala di sruh ahaoh hu angan SJ-182 di gah kapar Sriwijaya Air njauk laik trun di bhum tasik Vạn Đảo, langiu di Gia-các-ta harei 9/1. Ong Bagus Puruhito – urang dang akaok jabat roh duah saong daong urang njauk bala pakat negar Indonesia – brei thau bruk dui atah piah roh duah urang njauk bala lac kayua ka oh duah mboh “hộp đen” ka dua di sruh ahaoh njauk bala, dalam tuk rilo rup tau jeng ka oh duah mboh./.

Urang lang: M. Phương – T. Thảo – 19/01 10:37:19