Vinh Long: bhapbini daok dalam duh hatai kayua huac glut jaleih

Urak ini, di tinh Vinh Long, 24 sang bhapnini gam saong 120 menuac urang di libik darak Vĩnh Long di p1, ban sit Vĩnh Long harei melam daok duh hatai oh thau tuk halei sang danaok glut jaleih trun ia. Karja tỉnh Vĩnh Long jeng hu jalan ngak saong pandar dom sang bhapnini drah samal nao plaih piah khik caga rup saong drap ar. Min, tal urak ini 24 sang bhapnini jeng oh ka khin nao plaih. Yau nan, pak halei lac makna ba tal bruk dom sang bhapnini oh khin nao plaih, yaom lac thau bruk glut jaleih daok mai jaik tal. Kadha vak di Phạm Hải -  urang vak di rayo sap ndom Viet Nam daok di bhum taneran kraong Cửu Long.  

Urak ini, 24 baoh sang di dom urang pablei salih dalam darak Vĩnh Long, labik meng jaik nhà lồng darak ikan tal bến kapal pajeng tuai ban sit Vĩnh Long, di phường 1, ban sit Vĩnh Long daok mbleing, karaic saong mbuan si glut jaleih trun kraong tuk halei oh thau.

-Daok dalam dom sang bhapnini njauk nao plaih, amuk Vương Kim Muỗi, daok di ka 13, phường 1, ban sit Vĩnh Long, tỉnh Vĩnh Long brei thau: bruk mbleing, karaic sang di libik ini hu mboh jaik 1 thun ini mai. Abih 24 baoh sang jeng gaok cambleng, karaic ngak jeng độ dốc praong nao gah takai kraong. Rilo melam oh khin ndih njauk medheih piah tuk mehit sap megei ye medheih piah khik, tuk hu bruk hagiat daok plaih hu. Urang ngak sang jao ka drei harei 25, bloh urang padheih mbang Tết. Tal harei 4 bingun tet, drei mboh sang mbleing, glut, dom sang  talei ini sang halei jeng yau nan. Dalam tuk daok padang ngak, urang padeih urang mbang tet, urang daok ngak them veik, min oh sahanneg lac nyu khut yau nan, bloh padheih ngak tal urak ini.

-Daok dalam huac kanda, sang ông Lê Vĩnh Hiệp, daok di phường 1, ban Vĩnh Long khan lac: dahlau diah, taong abih dom talei sang darak ini oh mboh mbleing atau karaic. Min, meng akaok thun, uy mban bhapnini ban sit brei ngak kè tạm caga glut jaleih, min tuk padang ngak ye talei sang mboh rilo jalan pacah saong mbleing di gah takai kraong. Tuk bruk rah tabiak, dom sang di ini hu khan brei karja palei thau. Min mbiah tal urak ini, jaik sa thun tapa bloh kuhria meng tuk bruk rah tabiak, bruk mbleing, pacah sang di urang bhapnini jeng oh ka hu jalan langyah.  Baoh gờ patau ini nyu daok cang tal harei jaleih kayua patau caik dalam lưới b40 piah pacang ar, min urak ini nyu daok bruk lưới b40 paje. Bruk mbleing ini, bruk daok si glut jaleih ini kayua anek menuac ngak tabiak, oh lac kayua bruk di lingik tasik.

-Ndom biai ka bruk ini, ông Võ Quốc Thanh - Phó Giám đốc sở Kế hoạch saong Đầu tư tỉnh Vĩnh Long brei thau: mBan chỉ huy pacang caga bala saong daong dua urang njauk bala tỉnh hu khan brei thau ka bruk ba nao plaih chip 24 sang bhapnini di libik darak Vĩnh Long. Tui nan, pambuak tal bruk ini hu pataom gauk ginum biai rilo mbang saong hu pah libik tư vấn khảo sát brei mboh, libik nan hu hở hàm ếch saong nao dalam tame dalam darak. 

-Ông Nguyễn Trọng Hòa – Giám đốc mBan khik ramik Dự án Đầu tư dak padang ban sit Vĩnh Long brei thau: Dự án Kè caga glut jaleih takai kraong libik darak Vĩnh Long peih bruk padang ngak meng harei 24/01 saong ngak blaoh dalam 60 harei, ngan saong yaom jien buh tame ngak abih tih labaih 2 tỉ đồng. Gah po buh jien tabiak ngak lac mBan khik ramik Dự án Đầu tư dak padang ban sit Vĩnh Long, gah padang ngak lac công ty Cổ phần Tư vấn Xây dựng Vĩnh Long. Min, dalam tuk ngak lac rah tabiak bruk sang di bhapnini pacah saong mbleing nao gah takai kraong. Tui kuhria mboh, hu 24 sang bhapnini gam saong 122 urang gaok kan kandah tapak meng bruk nan, dalam nan rilo meng lac dom sang bhapnini pablei salih.

Makna ba tal bruk pacah sang bhapnini lac dalam tuk ngak, cuah piah lam hu njuk tame biak rilo,ngak brei ia tuh khang tame nền, tame takai sang di bhapnini. Urak ini, bruk ngak bờ kè hu ngak blaoh jaik 80%, meyah daok ngak ka nyu salah, ye mbuan ba tal glut jaleih samar jang. Kayua yau nan ye, uy mban bhapnini ban sit Vĩnh Long tacei brei padheih ngak.

Urak ini, karja palei hu jalan ngak lac khang hatai ba bhapnini nao plaih. Dalam nan, piah ba mbuan lagaih ka dom sang bhapnini daok pablei salih, uy mban bhapnini ban sit  hu caga labik piah puac bilan 11 ini meda ba tạm dom sang bhapnini nan tame libik pablei salih barau. Tapa nan, meda peih bruk padang ngak kè barau saong padang ngak talei sang darak barau di libik sang darak klak. Tuk ngak blaoh meda brei ka dom sang bhapnini pah veik piah pablei salih./.