Rilo urang ngak hu dut iek pak di labik ngak 

Hu jeng bruk pacap ngak di dom công ty dok ngak bruk di dom  khu, tuyến ngak kong di  tỉnh Vĩnh Long, tong abih urang ngak tame  công ty ngak bruk brei  cuk patiah pacang mbaok, dut iek pandiak di rup pabhap yaok harei 2 mbang . Di dom xưởng di dom công ty jeng hu labik caik ia rao tangin pametai anek ruak pabak ka urang ngak.

Công ty TNHH Tỷ Xuân lac sa dalam dom  doanh nghiệp dok hu urang ngak rilo abih  di labik ngak kong Hòa Phú, urak ni hu labaih  22 ribau urang, tuk halei jeng ba bruk pacang caga  jit  Covid-19 tagok dang akaok. Công ty hu padang mban tacei jalan pacang caga jit, padang jalan caga pacang tuk hu urang njom Covid 19 dalam  công ty. Tuk hu tuai tame  công ty, dahlau di tuk ngak bruk brei dut iek rup pabhap , rao tangin pametai anek ruak song cuk pataih pacang mbaok . Kayua ngak siam bruk pacang caga jit ruak, nan ye dom urang ngak bruk di  công ty biak sahnang hatai. Saai Nguyễn Hồng Phúc, sa urang ngak bruk di công ty brei thau:

"Tuk tame  công ty ngak bruk yaok urang brei cuk pataih pacang mbaok  song rao tangin pametai anek ruak. Mesup halei jeng dut iek rup pabhap  yau nan ye biak sahnang hatai".

Bruk pathau khan y tế jeng hu Công ty Tỷ Xuân caik hatai sangka peih ngak. Urang ngak halei bahrau tame ngak  brei pathau khan y tế, pasang iek pren yava blaoh meng brei tame ngak,  dom urang ngak mboh yau ruak kik, kapul  y tế sang iek ruak mai pasang iek pren yava, meyah mboh medil, công ty hu panuac ieu  sở y tế mek mẫu dut iek. Saai  Lê Thị Mỹ Hạnh sa urang ngak ndom lac:

"Khol drei njauk ba gauk tame pacang caga jit ruak, khol drei brei pathau khan njauk, oh menyai pachot piah gah  y tế pasang iek pren yava di khol drei yaok harei".

Di ging mbang  tập thể  di  Công ty TNHH Bohsing dalam labik ngak kong Hòa Phú, labik hu labaih  2 ribau urang ngak, yaok bàn mbang tok brei daok 2 urang, di kreih  2 urang hu blah cao su pacang gar. Mon mbang kreih ka hu paatah di gauk, oh pataom rilo menuac mbang dalam sa tuk. Bruk pathau khan, kakei urang ngak pacang caga jit tuk halei hu công ty peih ngak, meng nan hatai sahneng pacang caga jit di urang ngak hu tagok glaong .

Piah pacang caga jit njom mbak di dom labik ngak kong, dom gah chức năng tỉnh Vĩnh Long bhain padang kapul pasang iek di rilo gah nao pasang iek bruk pacang caga jit  ruak di dom công ty pambuak  haong pasang iek bruk pacang khuah padam khuah song bruk khik kajap siam mekre salamat urang ngak. Tapa pasang iek, meyah mboh labik halei ka oh khik hu salamat ye brei panuac pato tacei song pandar doanh nghiệp pasiam veik chip.  Muk  Huỳnh Thị Mỹ Hà, Paok akaok  Sở LĐTB song  XH tỉnh Vĩnh Long daok brei thau lac:

"Jaik abih dom doanh nghiệp jeng paglong hatai sahneng dalam bruk pacang caga  jit. Ni lac bruk biak lagaih. Patui di nan khol hulin patagok bruk tacei pato dom  doanh nghiệp brei paglong hatai sangka jang , abih di nyu nan lac pathau khan ka urang ngak hu nao tal bhum jit brei pathau khan , peih ngak tui njauk hukum  di gah  y tế piah khik caga pren yava, tani tanat dalam tuk jit ruak".

Ngan song urang ngak lac urang khik ramik , chuyên gia lac urang negar langui  tame ngak bruk di dom labik  tuyến ngak kong di  tỉnh Vĩnh Long brei hu adat di akaok  UBND tỉnh. Urang ngak negar langui brei pabak ginup  harak  xác nhận ngak salah tuk vak brei dok karei, tui nan gah  y tế pak nan daok patui bruk pasang iek  y tế , tui iek dalam 14 harei tui njauk  tacei ba di mintri  Y tế./.

Urang lang: Hanipha- 31/5