VNPT Đắk Lắk saong dự án oh hu harak ba ar

         -Hadei 9 bilan duah thau saong peih ngak iek dahlau, hệ thống daong bruk ka hội đồng bhapbini dom pakat di kapul tác giả di pasak Công nghệ thông tin –VNPT Đắk Lắk hu brei mboh, pabak dom bruk ngak di hội đồng bhapbini meng tỉnh tal pakat xã. Saai Y Duy Byă, Akaok kapul lập trình dự án brei thau, meng phần mềm hệ thống ini, bruk peih ngak saong điều hành mbang nyaom, mbang nyaom hu peih ngak tui phương châm “oh harak ba ar”, dom bruk ngak gam gam ye daa nyaom, tagok lịch ngak bruk, lịch taom gaok cử tri, quản lý, pasang iek bruk ngak, javap calei, pasang iek daong khik ramik bruk javap calei đơn thư, javap calei tangi sua di cử tri tal hội đồng bhapbini dom pakat…hu peih ngak drah samak, mbua jang, quản trị tui quy trình saong tuk hlaei jeng meda truy xuất. Saai Y Duy Byă brei thau:  Pandap ini meda pandar tame dom bruk yau ye điều hành dom mbang nyaom saong điều hành dom mbang nyaom di Hội đồng bhapbini. Nan lac salih ka yaok mbang nyaom thư ký njauk tagok lịch, in tài liệu, in harak daa payua ka dom urang jakar ye phần mềm ini nyu tự động ngak dom bruk nan saong payua dom harak daa jeng ye tài liệu tapa phần mềm. Ka dua lac di chức năng khik ramik bruk ngak ye urang dang akaok meda jao saong khik ramik bruk ngak di drei ka pakat ala tapa phần mềm ini. Langiu di nan, phần mềm daok hu dom chức năng karei yau khik ramik lịch ngak bruk di jabat,  taduan mek harak thư....

 -Hệ thống hu peih ngak angaok nền điện toán đám mây, tapa nan, meyah thiết bị akaok, ala hu pambuak pagam Internet saong hu trình duyệt lac meda pandar hu. Hệ thống meda rik daong trun takik bruk lạm dụng biak rilo  văn bản, harak hành chính jeng ye in ấn, sao chụp văn bản tài liệu tuỳ tiện, palai pajoa. Saai Đinh Văn Thịnh, sa urang dalam kapul dự án khan lac, piah peih ngak hu phần mềm ini, kapul hu caik rilo tukvak duah thau bruk ngak di hội đồng bhapbini, meng di nan roh duah ba pandar công nghệ thông tin tame yaok bruk ngak cambaih piah mbuan lagaih ka urang pandar: Akaok mereip lac drei dauh thau hu hội đồng bhapbini ngak bruk praong di urang lac hagiayt, hadei nan lac drei pamaong tal bruk patagok phần mềm di drei piah pandar công nghệ thông tin tame bruk ngak di urang. Phần mềm pandar ngan saong urang thau camabih công nghệ thông tin ye tukvak duah thau jeng drah samal min, daok urang takik thau ye daong ka urang nan.

 -Meng dom kein lagaih mboh di anak meta, pandap ini hu taduan mek giải ka bruk patagok cộng đồng di harei alin Giải thưởng Nhân tài Đất Việt 2017 saong hu mban peih bruk taong yaom lac pandap công nghệ thông tin triển vọng. Ông Nguyễn Văn Thản, Giám đốc pasak Công nghệ thông tin – VNPT Đắk Lắk brei thau, urak ini pandap daok hu peih ngak di hội đồng bhapbini 5 tỉnh lac: Cao Bằng, Yên Bái, Quảng Bình, Lâm Đồng saong Bà Rịa - Vũng Tàu. Tukvak tal tập đoàn VNPT meda ba pandap ini peih ngak praong di 63 tỉnh, ban tui jalan brei pah dịch vụ, daong dom hội đồng bhapbini oh njauk đầu tư hạ tầng tuk akaok mereip biak praong min meda pandar hu pandap.

-Dalam dom thun tapa, bruk jhul khang pandar công nghệ thông tin tame dom bruk ngak di dom jabat hành chính karja hu rilo salih barau, daong chất lượng, bruk khik ramik dak harei dak glaong. Bruk peh ngak jak jeng hệ thống daong bruk ngak ka hội đồng bhapbini meda rik brei công cụ daong bruk ngak di hội đồng bhapbini dom pakat tuk langyah bruk ngak./.