Parang iek 12 janih thaot binguk bhap bini Viet Nam gheih mekre di abih nan lac sa bruk hu peih ngak tui jalan xa hoi hoa, kayua Muyim Ha Noi saong jabat tư nhân Muyim Gốm sứ pambuak bruk peih ngak, piah yaih khan tal bhap bini dom ilamu siam gheih di thaot binguk bhap bini Viet Nam. Labaih 2 bilan ramik caga, Muyim Ha Noi daong brei labik peih ngak saong hasit jien, Muyim Gốm sứ brei tư liệu, pandap parang iek. Urang roh duah Trần Thị Hòa nan lac urang roh duah hu rilo blah thaot binguk bhap bini gam ngak Giam ndoc Muyim Gốm sứ brei thau:

“Muyim tư nhân oh hu labik lagiah yau muyim di Karja. Kadua kadung jien di muyim karja rilo jang. Dua gah brei daong tame dom lagaih di drei piah pambuak peih bruk parang iek taduan hu rilo urang ruai damuai tame.

Yam tame thun ka 2, danak dak “ Gam saong kamuan cih vak - Le hoi mbaok ja uan raok Trung thu” kayua urang cih vak Trang Thanh Hiền di Sang bac Đại học Mỹ thuật Viet Nam peih ngak pachreih hu rilo urang rik jien daong tame, daong ka dom adei uranaih hu thau ilamu nghe thuat meng kan tui rilo jalan karei di gauk. Meyah thun blaoh, danak dak hu peih ngak di Ha Noi ye thun ini, uranaih di ban Raya Ho Chi Minh jeng hu cih mbaok ja, duah thau jalan tauk mbaok ja meng lavik mai, gam cih vak meng tabung sambo mau di tadik ba-ar. Kuhria tal tuk ini, ban tổ chức taduan hu bruk daong brei labik peih ngak saong hasit jien ndo jeng yau paok pandap piah peih ngak danak dak di harei 4 bilan 9 pak Văn Miếu Quốc Tử Giám Ha Noi và ngày 10/9 pak Muyim ban raya Ho Chi Minh. Abih di nyu, danak dak di Ban raya Ho Chi Minh oh abih jien ka dom adei saong amaik ame di kol uranaih, caong khin jak ba taong abih manuac sia brei hu mbaok tame bruk roh duah hadah krah ini. Urang cih vak Trang Thanh Hiền, akaok danak dak klak rabha: Hu biak rilo jalan jak ba urang daong  xa hoi hoa, oh lac daong jien bo daok rik prein yawa di dom urang nghệ si saong dom kapul halan hatian:

  “Kol drei ba tabiak rilo jalan ngak karei di gauk piah duah jien buh tame danak dak. Drei da-a dom urang nghe si payua thaot binguk, alin blah thaok ka danak dak. Daok duah jien tame meng danak dak ini tui jaln brei ka dom sinh viên saong dom urang nghe si cih vak tauk mbaok ja, pablei duah jien piah ngak danak dak.”

Yau nan min, tui hoa si Trang Thanh Hiền bruk jak ba urang rik jien tame ka dom danak dak nghe thuat oh mbuan kayua meng camereip dom danak dak nan njauk brei hu tukvak piah hu angan je urang jia saong bruk ngakdi xa hoi:

“ Khol dahlak lac sa kapul urang, padang danka dak eng yau nan ye bruk likau jien daong gaok rilo kan kandah. Khol drei oh njauk lac sa cong ty atau sa to chuc hu con dấu, hu tư cách pháp nhân dalam tuk likau jien njauk brei hu harak bara nan, con dau piah ngak bruk saong dom jabat karja…Yau nan ye, danak dak di khol dahlak gaok rilo kan kandah oh likau hu phun jien praong. Phun jien daong thun dahlau saong thun ini hu min ralo kayua ayut krein randap rik daong danak dak ngan saong hatai halan hatian.”

Yaom lac daok rilo kan kandah najuk brei ka urang jia tame meng bruk ngak xa hoi min dom danak dak nghe thuat camereip ba mai rilo jalan birau pian taduan hu ilamo di bhap bini. Jeng mai meng bruk xa hoi hoa nan bo uran ini, oh lac takik ayut ranaih anit ilamu bangsa thau jak ba urang rik daong, dak padang kadung jien bhap bini lac jaln ngak birau, pachreih hu rilo urang tame, jeng yau daong ka urang gah nghe thuat hu lagaih oiah yeih khan blah thaot di drei, sumu bruk caong khin pagalong ilamu di bhap bini./.