Urang ngak bruk gah y tế brei klauk vaccine dahlau

Gah Y tế hu panuac caong brei ngak drah samar XHH vaccine piah peih praong bruk hu klauk jru vaccine di bhap bini. Langiu di nan, bruk ngak suai lavik “vắc xin + 5K” brei hu peih ngak siam lagaih, juai mboh hu vaccine bo iek lap, njauk brei klauk jru caga ka urang halei dahlau. Kadha nan hu ba tabiak di mbang ginum biai Thường trực Rajaei haong Mban tacei jalan pakat negar pacang caga jit Covid-19 kayua Thủ tướng Nguyễn Xuân Phúc dang akaok di harei 24/2. Mbang ginum biai  peih tabiak dalm tuk labaih 117.000 mbang vaccine akaok meti hu mai tal Việt Nam.

Tui kuhria, dalam harei ni 25-2, tỉnh Gia Lai brei klaak bruk pa-atah di gauk ka 4 labik lac ( ban sit Ayun Pa, dom huyện: Ia Pa, Phú Thiện, Krông Pa). Taphia di nan, brei ba taong abih urang ngak bruk pacang caga jit covid-19 di 4 huyện nan mai ngak di tỉnh, peih bruk brei daok karei tui adat piah khik siam mekre prein yava.

Mbang akok meti, sa giải thưởng angan “Jak jeng di y khoa Việt Nam”, pok meyaom dom bruk buh prein yawa tame ngak bruk di dom y, bác sĩ ngak bruk di dom gah y tế dalam taneh ia hu Rayo sap ndem Bhap bini Ban raya HCM (VOH) pambuak saong Sở Y tế Ban raya HCM peih ngak. Ong Lê Công Đồng, Yam ndoc VOH, Akok mban peih bruk alin giải menyaom, brei thau, yaok bruk ngak caga ka giải  hu salah blaoh saong melam pok meyaom dom “urang lin ao patih” meda peih tabiak di harei 26/2, pahadar 66 thun Harei Gru jru Việt Nam (27-2-1955 - 27-2-2021).

UBND tỉnh An Giang hu tabiak bruk mek jien dut iek COVID-19 ngan haong dom urang tame negar di An Giang brei daok karei pataom gauk di dom labik y tế kayua jabat kanja tacei tabiak. Yaom jien dut iek lac 734.000 đồng  sa mbang dut iek. Gah mek jien dut iek lac dom labik y tế peih bruk dut iek SARS-CoV-2. Urang hu dut iek brei saoh atau trun yaom jien lac dom urang meng negar langiu tame An Giang tapa dom jalan tapen negar Campuchia gaok kan kandah ka jien padai, oh hu jien biyar dut iek SARS-CoV-2.

Panuac khan meng Sở Công thương tỉnh Cà Mau brei thau, bruk chế biến saong pablei tabiak negar lingiu hadang di tỉnh ini meng akok thun 2021 mbiah tal ini hu rilo mbuan lagaih, pandap chế biến saong pablei tabiak hu tagok. Hu thau, dalam 2 bilan akok thun 2021, pandap ngak meng hadang di Cà Mau hu 26.600 tấn, tagok labaih 38% dut saong tukvak ini thun dahlau. Meng thau pambak tame dom siam lagiah di dom hiep ndinh  pablei salih tự do bo Viet Nam mbaoh tangin saong rilo taneh ia, jien mek tame meng bruk pablei hadang tabiak negar langiu di Cà Mau meng akaok thun 2021 mbiah tal ini hu 106 trieu USD, tagok 13% dut saong tukvak ini thun dahlau. 

Harei 24/2, Pháp brei pacang cakak veik ban Đăng-ke (Dunkerque) daok di gah barak, jaik tapen negar haong Bỉ, saong dom labik jaik taphia, kayua jit Covid-19 di pak ni dak harei dak oh pacang cakak hu. Ban Dunkerque hu manuac njom vi rút glaong jang jaik 4 mbang tanut lac khang di abih, samu labaih 900 urang njom Covid-19 dalam 100 ribau bhap bini dalam 1 adit. Kayua yau nan ye, rajaei Pháp daok pandar jalan pacang caga jit Covid-19 tui yaok labik cambaih laih. Kuhria tal tukvak ni, hu 3 labik di Pháp njauk ba tabiak bruk pacang cakak.

Piah pacang cakak biến thể virut SARS-CoV-2 njom tame dalam negar, jabat khik iek jit ruak Hàn Quốc tabiak bruk khik iek catang ngan saong urang negar langiu tame. Tui nan, meng harei 24/2, taong abih urang tame negar, dalam nan hu gam urang Hàn Quốc, njauk brei hu ba-ar dut iek am tinh saong Covid-19 meng bruk jalan khuếch đại gen (PCR). Meyah urang negar langiu oh hu ba-ar dut iek ruak Covid-19 oh brei tame negar; daok bhap bini Hàn Quốc brei dut iek ruak di labik daok tạm saong labik pa-atah 14 harei, saong brei bayar jien.

Hang tin AFP harei 25-2 ba panuac di ong Nick Clegg, urang ngak gah dom bruk dunya di mangaok Facebook, brei thau lac công ty ni halain hatain daong khau tin ka  truyền thông. Hadei di tuk bruk catang tagok haong rajaei Úc ka bruk biyar jien piah pandar asal kadha báo chí, Facebook  brei thau ka paok jien 1 tỉ USD meda hu buh tame ka gah tin tức dalam 3 thun saong brei thau lac tuk halei jeng pachreih tui báo chí siam makre./.

Urang lang: A.Nghiêm -Thu Thảo - 25/2/2021 - 14:42:37