Urang njauk  đột quỵ bhian mboh yau ini : var drei chip, tê bì tangin takai, oh daok thau hagait, pandik akaok biak khang;  urang ruak samar kan ndom menyai atau oh ndom menyai hu, cambuai vaiy, sa gah atau dua gah meta mong oh cambaih..

Tuk mboh yau nan, bruk camereip di abih lac urang dalam sang brei ieu cấp cứu 115. Tuk ieu 115 urang ruak hu  cấp cứu camereip  song 115 meda dong drei ba urang ruak tal labik iek ruak siam di abih, iek gah đột quỵ.

Dalam tuk cang radeih cấp cứu, urang dalam sang  sơ cứu ka urang ruak tui jalan ngak lac: Caik akaok song ka-ing urang ruak ndih paleing 45 độ dut song rup pabhap  (piah meyah  urang ruak taglaoh taaok tabiak labar, pandap mbang oh laik tame dhung, cambuai , song tame phổi urang ruak); cuk khan aow laneing, peih takuai ao, piah pasang iek jalan suak yava. Meyah baoh hatai  urang ruak padeih megei, njauk capat, sah baoh hatai langiu cada song ieu urang daok jaik nan mai daong.

Urang ruak njauk đột quỵ bhian ngak kan khang tal jalan suah yava. Kayua yau nan ye bruk patui di nan, urang dalam sang njauk mek khan tangin papaok tangin tacei piah mek abih labar, ia pambah dalam cambuai urang ruak tabiak langiu.

Meyah urang ruak handaoh rup, menuac dalam sang samar mek gaiy duh hu papaok khan caik gar tame cambuai urang ruak. Bruk papaok khan vil val gai duh piah urang ruak oh kaik tame dahlah

Dom chuyên gia y tế kakei lac : Dom bruk mek drah di akaok tangin, gah likuk tanye jeng oh siam hagait dalam sơ cứu đột quỵ.

Tuk mboh urang yau jaik đột quỵ, jhui brei ka urang nan menyum janih jru halei tuk oh ka hu panuac tacei di  bác sĩ. Ni lac panuac kakei di dom chuyên gia y tế ngan song urang jaik  đột quỵ. Kayua lac, tuk urang njauk đột quỵ bhian luan pandap mbang.Bruk menyum ia jeng kan ngan song urang ruak, ndom hagait tal bruk luan asar jru, meda ngak brei tagalak song asar jru jeng pandap pacang jalan suak yava di urang ruak

Jalan ngak mbuan di abih piah thau ka dấu hiệu đột quỵ lac ieu urang ruak : Menyai, klao- ye tangin , takai

Tuk mboh urang ruak menyai oh cambaih, kan menyai, oh menyai hu, klau cambuai vaiy, oh yar takai tagok hu atau kan yar….nan lac 3 dấu hiệu di đột quỵ song njauk ba urang ruak nao tal cơ sở y tế piah cấp cứu jip dalam tukvak ameh ./.