Atah di ni 14 thun, tuk  Y Byen bahrau  15 thun, tuk nao song amaik tal  xã Đê Ar, huyện Mang Yang pablei khan aow, pang mehit urang  khan ka bruk sa urang amaik bahrau ndik tapui anek bloh metai nao. Tui adat cambat, anek likei ni brei dar duik tui amaik.  Y Byen song amaik di drei samar nduac tal ndam metai di urang kamei nan piah likau anek, bloh caik angan lac  Y Song.

Liukau anek lac oh mbuan, bruk rong anek ngan song adei kamei bahrau bac tal 9 jeng lac biak kan kandah. Langiu di tuk nao bac, Y Byen bak anek tagok puh, nao glang limo. Sang kan kathaot, urak  ni rong sa uranaih, amaik ame Y Byen nao kuac katak cao su mbang pah piah duah jien rong anek, rong taco. Harei tapa harei, Y Song hu rong prong meng ia bu salih ka ia tasau, meng bu,  meng njam patam song hatai anit ranam di dom urang menuac oh gam rilaow drah. Amuk  Y Wưt, amaik di Y Byen khan lac;

  “Tuk nan mehit urang lac njauk dar  Y Song gam song amaik , hulin song Y Byen nit lo yau nan ye likau mai rong . Sang kathaot, min abih urang dalam sang ginum gauk, yaom lac gleih glar, ngak mbang pah, kuac katak  cao su jeng njauk dong pakalah metai song rong  Y Song jeng menuac jeng urang. Hu du halei rong du nan,

  Yau janji po caik , 11 thun hadei, tuk  Y Byen hu jeng menuac daoh di Sang daoh tamia Đam San, Y Song jeng hu bac tal tal  4, ye anai  hu anek raong ka 2 . Dalam sa mbang nao parang me-in văn nghệ di  xã Chư Á, ban sit  Pleiku, Y Byen mehit lac hu sa adei likei njauk klaak langui kubo . Labaih  30 urang dalam kapul daoh tamia, tok hu Y Byen oh huac hagait  duah tal uranaih, ngak harak gar ba mai sang rong song caik angan lac  Y Sơn. Hadar veik tuk taduan anek rong, Y Byen oh pandauk hu dom tanyaok ia meta kayua drut droi

Tabiak taneh kubo  xã Chư Á, drei mboh sa uranaih hu papaok dalam sa blah khan biak sit dok suak yava oh khin truh. Drei nyai song anek lac : Anek leii, hu amaik ni ye, amaik ba anek mai sang” ye Y Sơn preo hia.  Palah tangin sit di  Y Sơn pal kajap tangin drei , drei thau, drei brei ranam anek, njauk kuhria ka anek.”

 “Rai duik di drei dok kan kandah . Min urak ni  Y Song, Y Sơn hu janji lac anek di drei  , drei sinya song rup drei lac brei hu trách nhiệm iek glang rong pato mbiah tal tuk dom anek  prong tagok song jeng dom menuac urang hu kein laba ka xã hội.”

Anai kamei ranaih umo Y Byen oh ka hu pasang, oh ka ndik tapui anek mbang halei, min urak ni lac labik pambak tame di amaik ame taha jiak  80 thun  song 2 urang anek rong. Naong trak raidiuk ngak ka  Y Byen khang kadang jang dut song umo  29 thun di drei. Yaok harei, langiu di tuk vak ngak bruk di kapul doh tamia  Đam San, anai dok nao doh tako di gah langiu piah duah jie. Kham merat ngak bruk song patak patom, Y Byen blei hu  4 drei limo, sa tapon pabui  song 2 sào hamu  piah tagok  kinh tế boh sang.

Ong Y Byêm, ame di  Y Byen brei thau, kayua ba abih hatai ranam ka  2 anek rong  Y Song  song  Y Sơn nan ye tal urak ni, Y Byen oh ka tok pasang . Kayua anai khin duah saong kak pagam urang likei anit ranam drei song 2 anek.

Y Byen umo  jiak  30 thun ye, tal tuk tok pasang likei ye. Min kayua  Y Byen ndom lac  brei duah hu urang likei halei ranam abih 3 amaik nek  meng yam tal bruk tok pasang. Kayua  Y Byen oh khin dom anek di drei rambah . Duik pasang hulin njauk hatai song jalan sahaneng ni di Y Byen kayua lac hu yau nan khol hulin meng sahaneng hatai ka harei hadei di taco  Y Song song  Y Sơn.”

Thun ni  Y Song bac tal  7, Y Sơn umo 3 thun . Yaom lac rai duik oh ginup meda hagait,  min dom kamuan hu amaik  Y Byen song ong muk iek glang, rong pato meng hatai ranam yau  rilaow drah di drei.  Sang Y Byen di palei  Piơm, ban sit  Đăk Đoa yaom lac sit sot, min tuk halei jeng bak hatai anit ranam. Kayua di labik nan, Y Song, Y Sơn, dom uranaih janji oh siam njauk gauk gar klaak nao kayua adat cambat tanarakun hu taduan mai  rong song daok hu haniem phol dalam gavang tangin pacang caga di boh sang Y Byen./.