Tong abih urang njauk cuk khẩu trang di labik công cộng

Dom harei ni, ong Văn Đình Ưng, Tổ trưởng tổ dân phố 13, song urang lambaok  mặt trận negar, kapul dam dara song  công an phường Dịch Vọng Hậu, quận Cầu Giấy, Hà Nội bhain nao tal dom boh sang  dalam phường piah pathau khan bruk pacang caga jit  ruak Covid-19.

Ong Văn Đình Ưng hu kakei bhap bini puh ramik sang danaok, labik daok, cuk  khẩu trang tuk tabiak jalan, nyaih dom labik hu rilo menuac. kakei yaok boh sang tuk dalam sang hu urang halei mboh ruak, patuh, pandiak brei khan jip ka jabat  chức năng. Dahlau di nan, urang jakar  phường Dịch Vọng Hậu, quận Cầu Giấy hu nao tal yaok boh sang , duah thau dom urang nao mai meng bhum hu jit ruak  :

“Hulin mboh lac bruk dom gah karja meng  Đảng, mặt trận negar, kapul dam dara, kapul urang kamei  jeng hu nhiệm vụ, jeng lac tanye, meta , jak ba bhap bini mboh urang halei  mai pak ni njauk thau jip  . Pagap yau công an, jao ka công an duah thau jip di pak ni hu hadom urang ngak  bruk song urang nan mai  tal ha oh ? Meng  công an tal dom  tổ dân phố, khu dân cư brei thau cambaih urang nan”.

Bruk pathau khan, kakei pacang caga jit  tal yaok boh sang  piah ka bhap bini thau cambaih bruk kan kandah, nguy hiểm di jit ruak piah ka yaok urang caga plaih song pacang bruk njom mbak jit ruak. Rilo bhap bini thau hu bruk di drei dalam pacang caga jit . Ong Đỗ Hoàng Việt daok di  Phố Tố Hữu, quận Hà Đông, Hà Nội ndom lac:

- hulin khan ka tong abih urang dalam sang thau, ba gauk kham merat khik ramik hacih saat rup pabhap, rao tangin tuk tabiak truh sang, cuk khẩu trang tuk tal labik  công cộng. Prong di abih lac takik taom gaok rilo menuac. Hu bruk hagait praong meng tabiak gah langiu, meyah oh hu bruk hagait ye daok di sang. Yaok urang thau sahneng kuhria siam piah dong  jhul kandun likuk  jit Covid”.

Muk Vũ Hoàng Hà daok dalam khu phố hong ONG Việt khan lac:

yaok urang njauk paglong hatai sahneng khik ramik hacih saat rup pabhap , cuk  khẩu trang tuk tabiak  langiu jalan , nyaih labik rilo menuac, langiu di nan brei thau khik caga ka bhap bini.. Dalam sang hulin oh tabiak gah langiu, hu bruk  hagait  praong menG tabiak, bruk hit ye bruk hagait praong eng tabiak langiu,  dok  dom urang dalam sang oh hu bruk hagait  ye dok abih dalam sang”.

Ba tangin tame rik dong angaok mblang mesruh pacang caga jit, rilo bhap bini pachreih tui panuac ieu di Thủ tướng Nguyễn Xuân Phúc: “yaok menuac urang , tui  prein di drei , hu jien rik jien, hu pandap brei pandap, hu pren buh pren

Ba tangin tame hong rajaei pacang caga jit Covid -19, kamuan Lê Minh Tuệ, tal  2H, sang bac  tiểu học Nguyễn Khả Trạc patak patom hu  467 ribau đồng meng harei bac mẫu giáo piah dong rajaei pacang jit.

Minh Tuệ: Jit  covid pambak  praong ngak brei biak  rilo menuac gleih glar . Dom Wa  pal akaok harei melam oh ndih kuhria ka bhap bini.  Bác sỹ oh ndih kuhria ka urang ruak. Dom cei bộ đội công an bhian khik iek. Dom cei  bộ đội klah BREI labik di drei ka urang dok karei song tame glai ndih nan ye anek biak anit ranam song dar phol. Anek biak anit dom urang nan, yau nan ye anek dong pok jien di anek ka rajaei piah blei  khẩu trang, blei jru, blei pandap mbang. Anek sahanang yau nan min - Cười”.

Amaik di  Minh Tuệ, saai Hoàng Thị Trang Viên brei thau lac biak bui sambai song drut droi ka bruk ngak song hatai Sahneng biak njauk di anek drei. Saai brei thau, ni lac pok jien biak prong di kamuan. Dahlau di tuk ye ka amaik, ye tanjaoh ia meta hasit, min khang hatai yar brei ka amaik song ndom lac ni sa bruk ngak siam hu makna .

Sa ayut sit umo 8 thun thau sahneng song ngak hu dom bruk bo biak rilo urang prong mboh bui sambai song hadah mbaok meta. Cong khin ini jeng lac sa panuac piah payua tal tong abih menuac urang  ba tangin tame song rajaei pacang caga jit covid-19. Dahlau di abih, lac sa urang lin  angaok mblang mesruh pacang caga jit, yaok rahra brei thau khik caga rup drei, ngak tui dom jalan pacang caga  song paglaong pren yava , ngak tui dom panuac tacei pato di gah y tế. Khik caga rup drei, boh sang di drei jeng lac khik caga ka tong abih menuac sia piah pacang caga song jhul kandun likuk  jit  Covid-19./.

Urang lang: Hanipha -1/4