Pathau mikva saong taong abih gauk! 

Pandiak bhang, kurang ia taba tukvak tapa nyu ngak ka năng suất ralo janih phun mbang baoh di bhum taneran kraong Cửu Long trun. Pabak veik, yaom kaom tagok glaong kayua baoh takik oh ginup pablei. Eng Đồng Tháp, sa dalam dom tỉnh hu taneh pala pa-aok rpraong abih dalam bhum, yaom pa-aok dang di tanut glaong daong ka urang ngak bein sanang hatai pala. Kadha vak di Thanh Tùng, urang vak di rayo sap ndom VN daok di bhum taneran kraong Cửu Long brei thau ka bruk nan:

Jaik luac vụ paik baoh, pa-aok di Đồng Tháp dak hút hàng, yaom glaong. Yaom pa-aok Hòa Lộc jaik 60 ribau đồng sa kg, pa-aok Chu Cao Lãnh jeng hu yaom, urang nông chreih chrai. Thun ini, yaom lac oh njauk min yaom glaong, daong patagok yaom glaong janih phun dang khang di tỉnh ini.

Sang bein Nguyễn Hồng Yến, palei Hòa Long, Xã Hòa An, ban sit Cao Lãnh brei thau, meng labaih 5 công taneh pala pa-aok cát Chu, tuk bahrau tame bilan paik baoh, hu tuk yaom pa-aok labaih 22 ribau đồng sa kg. Hadei di nan, kayua paik ralo nan ye yaom trun hasit, daok jaik 18 ribau đồng. Daok urak ini, janih pa-aok ini hu pablei ka urang blei, công ty pataom blei yaom 12 ribau đồng sa kg, khik ka sang bein hu laba.

Sang bein Huỳnh Phú Cẩm, palei Tân Hùng, xã Tân Thuận Tây, ban Cao Lãnh brei thau:

 “Yaom pablei yau nan hu ye. Urang nông hu mbang ye. Pablei ka công ty yaom 12 ribau đồng. Thun bloh hu tuk pablei 5 ribau, bloh 4 ribau, tui harei. Oh lac công ty bo urang mai blei gah langiu jeng blei yaom yau công ty. Dahlak ngak vụ pa-aok ini pablei abih hu meng 400 tal 500 triệu đồng”.

Meng jaik 40 ha pala pa-aok, hợp tác xã pa-aok Mỹ Xương, huyện Cao Lãnh hu 60 xã viên. Ong Nguyễn Văn Đúng, Phaok Giám đốc HTX pa-aok Mỹ Xương chreih chrai brei thau, vụ pa-aok ini, sản lượng oh glaong yau dom thun dahlau min yaom pablei glaong:

 “Yaom pa-aok di labik ini jeng biak tani tanat. Hu tuk trun kayua pa-aok ralo. Mikva labik ini pablei tani tanat lo. Urak ini lac glaong veik ye, meng 13 ribau tal 15 ribau đồng sa kg”.

 Ong Phan Phú Cường, po doanh nghiệp blei pa-aok pabak ka sang mac di Tiền Giang ngak piah pablei tapa dom darak yau Hàn Quốc, Nhật Bản… brei thau, thun ini, kayua kayua baoh takik nan ye yaom pa-aok tani tanat:

 “Di labik ini kol dahlak blei teik kílô saong pataom pa-aok di dom công ty mbaoh tangin pambuak bruk haong mikva. Yaom kol dahlak mbaoh tangin nan lac 12 ribau đồng sa kg. taphia di nan kol dahlak jeng blei pa-aok gah langiu oh hu mbaoh tangin pambuak bruk. Yaom kaom blei tui darak. Min meng harei blei tal urak ini jeng labaih 10 ribau đồng tagok oh biar jang. Meyah thun ini duk saong thun bloh ye yaom glaong jang ralo. Tui panuac di mikva  thun bloh   pa-aok meng 5 tal 6 ribau đồng sa kg. daok thun ini oh tuk halei ala 10 ribau đồng”.

Đồng tháp lac tỉnh hu taneh pala pa-aok praong abih bhum taneran kraong Cửu Long, labaih 9.000 ha, sản lượng labaih 75.000 tấn sa thun. Ong Nguyễn Thành Tài, Phaok Giám đốc Sở ngak nông saong patagok palei pala tỉnh Đồng Tháp ndom lac, yaok kaom lagaih, urang nông hu laba nan ye sanang hatai ka vụ pala barau:

“Kol drei tame tabung glaong vụ paik pa-aok. Dom janih baoh kayau di bhum taneran jeng tame bilan paik barau. Meng dom pasang iek tuk camereip kol dahlak mboh yaom biar abih di vụ pa-aok 2016 jeng glaong jang duk saong thun bloh meng 3000 tal 4000 đồng”.

Langiu pa-aok, thanh long ralo meriah yaom jaik 35 ribau đồng sa kg, ralo patih 17.000 đồng sa kg, tagok 30% duk saong dom bilan dahlau nan; durieng chuồng Bò, Ri 6, Mỏn Thon yaom meng  50.000 tal 56.000 đồng sa kg; măng cụt saong bòn bon yaom meng 70.000 tal 100.000 đồng sa kg. Yaom dom janih phun hu pasiu yau cam sành, quýt saradang, kroc bung…. jeng tagok glaong. Oh lac tukvak ini bo dalam tukvak chính vụ, tui Trang xúc tiến pablei salih  – mintri ngak nông saong patagok palei pala, yaom dom janih baoh kayau, abih di nyu nan lac pa-aok Hòa Lộc, pa-aok Chu bhian hu yaom glaong, hu tuk tagok jang 15%.

Sang bein chreih chrai yaom lac sản lượng trun kayua pandiak bhang, mbak min kein laba mek tame oh lah hagait duk saong dom thun dahlau./.