Rilo tỉnh ban di gah merong peih bruk paatah di gauk tui sarak 16

Yaom lac kadung jien hu takik min Tổng LĐLĐ Việt Nam jeng brei buh tabiak labaih 200 tỷ đồng piah daong, patagok dinh dưỡng ka dom urang y tế labik pacang caga jit Covid-19 di 19 tỉnh, ban gah Meraong  daok brei pa-atah di gauk tui Sarak 16, ngan saong jien daong lac 1 trieu đồng sa urang. Langiu di nan, Tổng LĐLĐ Việt Nam jeng daok tacei pato Công đoàn Y tế Việt Nam  padang paok jien daong 20 tỷ đồng piah pachreih ba 10.000 urang jakar, y bác sĩ mai daong  pacang caga jit di Ban raya HCM bo Mentri Y tế ba mai. Tui nan yaok urang hu daong 2 trieu đồng  gam haong thẻ bảo hiểm.

Sở Y tế ban raya HCM bahrau hu Ubbhap bini ban raya.HCM jao bruk tacei jalan brei adat ka doanh nghiệp dang tabiak ginum biai, blei vaccine di dunya saong dalam negar ; brei thau cambaih angan vaccine hu pandar song dom harak gar njauk ngak, daong palagaih di abih piah pandar pren khang di dom doanh nghiệp dalam bruk klauk vaccine, patrun naong trak kadung jien karja saong prein yava ka ban raya.

Harei 18-8, Công an TP.HCM brei thau ka bruk pachot mek drap ar pambak tame jit Covid-19 rah tabiak sraw kadau di ban. Công an TP.HCM brei thau, Ban raya daok ngak tui Srak 16 di Rajaei piah pacang caga jit ruak Covid-19 njom mbak yau: pa-atah gauk, bhap bini brei takik tabiak jalan, tabiak tuk biak khin, samar chip…Tui nan, dom bruk blei angaok mạng tagok rilo. Pambak tame bruk nan, kol jhak angaok mạng duah dom labaih kurang dalam tuk bayar jien tapa ứng dụng blei online, bruk oh caik hatai sahneng tal di urang blei piah meblah mek jien, drap ar  tui rilo jalan kan si thau.

Kayua  jit Covid-19 ngak ka bruk pablei yaok rituh  tấn darang di HTX ngak nong Khánh Hòa (Châu Phú, An Giang) gaok kan kandah, yaom trun … Anak bruk nan, Sở ngak nong song patagok palei pala tỉnh An Giang song dom gah di tỉnh hong huyện Châu Phú hu ba tangin tame dong pablei darang meng rilo jalan ; dalam nan hu payua harak ieu dom tỉnh, ban karei blei dong. Meng khang hatai tame bruk, gam haong rilo jalan yaih khan, rilo jalan pablei pandap, nan ye, darang xuồng di  HTX hu dom tuai meng ban raya HCM, gah Đông Nam bộ, dom tỉnh bhum taneran krong CL kakei blei biak rilo.... Tal urak ni, darang pablei hu biak rilo, jiak abih, nan ye dom  xã viên oh dok duh hatai.

Tal page ini 19/8, Công an ban Dĩ An, tỉnh Bình Dương saong dom gah ngak bruk jeng daok pacang veik labik pui khuah piah ngak brei cambaic laic makna pui khuah ngak brei 3 urang metai, 2 urang njauk rambuac. Tui panuac khan tuk camereip, mon 11 melam 18/8, apui khuan tagok di cửa hàng pablei pandap di jalan Trần Khánh Dư,  phường Dĩ An, ban sit Dĩ An. Tuk nan bhap bini jaik nan samar jan pabah mbang, tuh ia min pui oh padam. Tuk taduan hu panuac khan, gah Cảnh sát Pacang khauh padam khuah Cứu nạn cứu hộ, Công an tỉnh Bình Dương ba 4 radaih padam pui, yaok pluh urang jakar tame padam pui. Apui khuah hu padam hadei di nan. Dalam tuk padam khuah, dom urang jakar hu daong ba 5 urang daok gar dalam sang tabiak nao iek ruak, dalam nan hu diuk pasang po tạp hóa saong kamuan kumei trak blaoh metai angaok jalan tame sang iek ruak. Urak ini, dua urang anek di po sang tạp hóa daok hu iek glang prein yava di sang iek ruak.

Takik di abih 47 urang metai, dalam nan hu 30 rahra, 14 lin haong 3 dân quân, metai dalam mbang taong khủng bố di Burkina Faso harei kabroi. Kol pan phao nyu cuh tame dom sdruh radaih hu lin ba jalan di tỉnh Seno gah brak Buốc-ki-na Pha-xô – sa labik hu maong lac canah klau negar, jaik Ma-li (Mali) haong Ni-giê (Niger). Lingiu dom menuac metai, daok hu 19 urang njauk rambus. Dalam dom mbang pagui mek saong taong veik, bol bala Buốcki-na Pha-xô jeng pametai hu 58 kol khủng bố.

Javap jalei panuac tangi sua di hãng ABC News harei 18/8, Tổng thống Mỹ Joe Biden brei thau, Mỹ meda daok veik Ápganixtan, meda daok tapa harei 31/8, piah ba taong abih urang Mỹ tabiak truh taneh ia ini. Tui ong Bai-đừn, meyah daok urang Mỹ, dom kapul brei daok veik piah ba tabiak abih.Tổng thống Mỹ jeng ndom lac, bruk srau kadau di mblang kapal haok Kabul lac bruk oh plaih hu saong kan si ngak hu siam jang.

Harei kabroi,Liên Hợp Quốc brei ba 1 dalam 3 dom menuac ngak di drei daok di Ápganixtan, tapa Kazakhstan, piah ngak bruk meng atah, dalam tuk Taliban pasang iek taneh ia Tây Nam Á ini. Urang brei panuac di Liên Hợp Quốc Stephane brei thau, ini lac jalan ngak di anak meta saong Liên Hợp Quốc jeng daok sanya daong ka urang Ápganixtan chip tuk urang ieu daong./.

Urang lang:Ái Nghiêm- Hanipha- 19/8