Pathau mikva saong taong abih gauk! Ngan saong yaom pabui trun khang tukvak tapa, hu oh takik trang trại, baoh sang raong glang di Hàm Tân, La Gi (Bình Thuận) njauk kuhri kuhria, pandar pandap mbang hu mbiah piah patrun phun jien. Bruk lai srau pandap mbang đơn giản lac lai haleik caik paok saong bei kayau, tangei, bei java, makuac. 

Hàm Tân lac sa dalam dom labik hu ralo trang trại raong pabui praong di tỉnh. Mai tal trang trại ong Đặng Quang Tiến, palei 4, xã Sơn Mỹ, huyện Hàm Tân hu iek lac po trang trại raong pabui praong di palei ini hu jaik  200 drei pabui binai, 800 drei pabui ralo.

Anak bruk pabui trun yaom tukvak atah, ong Tiến brei thau: kol dahlak hu  mbaoh tangin pambuak bruk blei pandap mbang ka trang trại meng sa công ty praong daok di Đồng Nai, blei ralo bei thu meng akaok vụ thu hoạch piah chai tapung lai saong haleik, jeng yau pah menuac pala bei ngak pandap mbang ka pabui. Trang trại jeng hu pabak pabui anek raong jeng pabui ralo piah patrun yaom phun, hu klauk vacxin pacang cakak ruak. Dom bilan tapa, yaom pabui trunk hang, meng 32 tal 35 ribau đồng sa kg, trun daok 28 tal 30 ribau đồng sa kg, trang trại jeng hu ginup phun jien blei pandap mbang piah raong dalam tuk kan kandah.

Ong Võ Hoàng Danh, raong 30 drei pabui binai, 150 drei pabui ralo; ong Nguyễn Việt Thanh raong 10 drei pabui binai, jaik 100 drei pabui ralo jeng tự túc pandap mbang ka pabui nan ye dang hu anak yaom pabui trun khang. Ong Nguyễn Việt Thanh brei thau, ong duah thau bruk haleik lai hu hàm lượng dinh dưỡng samu saong haleik hỗn hợp, yaom lap jang nan ye ong pandar janih haleik ini salih ka pandap mbang công nghiệp pablei di darak pasar. Ong Thanh blei janih haleik thông thường, lai saong tapung bei kayau, tangei. Tuk pabui praong meng 50 tal 60 kg, ong lai pabak tame dom janih karei yau bei java sit, makuac. Ong Thanh ndom lac: Bruk pandar haleik lai salih ka pandap mbang công nghiệp nyu patrun phun jien biak ralo, lap jaik 3.000 đồng sa kg pandap mbang. Ngan saong trang trại 100 drei pabui ralo, yaok harei pandar 3.000 kg haleik lai meda patak pataom hu 30% duk saong pandap mbang công nghiệp.

Anak meta mboh lac, bruk pandar dom phụ phẩm yau: bei kayau, ratak, tangei, bei java… lac dom janih pandap mbuan duah dalam thun, yaom kaom lap. Langiu bruk pandar haleik lai, dom trang trại urak ini jeng pamaong tal bruk raong praong khép kín yau eng drei sản xuất anek pajaih, bac jalan klauk vacxin pacang cakak jit ruak ka pabui. Meng nan, po trại patrun hu phun jien, abih di nyu nan lac patrun khat lahik dalam tukvak pabui laik yaom.

Dom po trang trại, dom baoh sang raong yau dom ong Đặng Quang Tiến, Nguyễn Việt Thanh, Võ Hoàng Danh …meng lavik mai hu blei piah, hu pala nguồn nguyên liệu, lai srau pandap mbang, patrun phun jien, dang hu bruk raong glang dalam tukvak kan kandah. Hu oh takik baoh sang raong di dom xã tapen tasik huyện Hàm Tân, ban sit La Gi (Bình Thuận)  daok jaik craoh, danao, taneh pasak hu pala bei java, pabak pandap mbang ka pabui, patrun phun jien raong.

Kadha urang ngak hamu caong thau tal ini likau padeih. Kadha ini kayua ralo sap ndom VN pambuak bruk saoang pasak pachreih nông pakat negar peih ngak./.