Yaom padai di rilo tỉnh, ban dalam bhum dok trun khang, bhian trun 1.000 đồng 1kg. Di dom xã dalam tỉnh Đồng Tháp, yaom blei padai  IR50404 dok labaih  4.200 đồng 1kg. Yaom ni trun 300-400 đồng/kg  dut song dahlau  Tết song trun jiak  1.000 đồng 1kg  dut song bilan đông xuân dahlau . Ong Nguyễn Văn Be, xã Tân Mỹ, huyện Thanh Bình ndom lac:

Kan lo, oh thau ngak habar. Padai tal tuk yuak bo pablei oh hu, kan biak  .

Di tỉnh Trà Vinh, yaom lac năng suất padai đông xuân biak glong, tui kuhria hu  6-7 tấn sa ha, min padai biak kan pablei  song urang nong laba biak takik. Urak ni padai  IR 50404 di Trà Vinh dok  4.000-4.100 đồng/kg padai that, dalam tuk dom pajaih padai asar atah song padai pahe meng 4.400- 4.500 đồng 1kg song biak kan duah hu urang blei. Dut song adit dahlau tui kuhria trun 400-600 đồng 1kg song trun jiak  1.000 đồng 1kg  dut song  bilan đông xuân thun dahlau. Oh lac kan pablei bo pablei dom harei meng mek hu jien.

Bilan padai  đông xuân thun ni, gah ngak nong  tỉnh Trà Vinh hu panuac kakei urang nong trun pajaih  66 ribau ha, min urak ni urang nong tam drak rilo jang bruk ba tabiak jiak pluh ribau ha, kayua jayah rilo mbang gam gam. Dom mblang padai trun pajaih avar,hu ginup ia pruh, năng suất hu labaih   6 tấn/ha. Saai  Lê Văn Mừng, daok di  xã Thạnh Phú, huyện Cầu Kè– urang hu  dom héc ta padai  IR 50404 tal harei yuak brei thau: “Yaom kaom oh tani tanat. Padai ini jeng  yau nan, kayua tuk yuak ye yaom padai trun khang. Urak ni, pajaih   IR 50404 dok  4 ribau đồng 1kg”.

Piah duah jalan pablei padai ka urang nong, bahrau ni,  UBND ban  Cần Thơ hu peih bruk ginum biai song dom  sở - dom ban – dom gah pagam tal, 11 doanh nghiệp pablei brah tabiak negar langiu song dom dhar gilang pariak dok dalam tỉnh. Di mbang ginum biai, dom  doanh nghiệp hu panuac caong gah gilang pariak patagok yaom jien brei mesraiy ka doanh nghiệp mesraiy jien blei padai piah lang talaik kan kandah ka urang nong  .

Ngan song  tỉnh Đồng Tháp, labik hu mblang taneh trun pajaih bilan Đông Xuân labaih  200.000 ha, yuak hu labaih  60.000ha, samu jiak  30% mblang taneh, rilo urang nong dok biak duh hatai. Kayua padai yuak biak rilo di akaok bilan  3 song  sản lượng abih vụ meda mek hu  1,4 triệu tấn, dalam nan sản lượng padai  hàng hóa labaih 800.000 tấn.

Anak bruk kan kandah ni, ong Nguyễn Thanh Hùng, Phó Chủ tịch UBND tỉnh Đồng Tháp brei thau, meda hu panuac likau rajaei  peih bruk blei khik piah ka urang nong, hu panuac ieu gilang pariak karja dhar  Đồng Tháp dong palagaih ka dom  doanh nghiệp blei padai brah mbuan si mesraiy phun jien  Biak meyaom dom doanh nghiệp hu jien dong  blei padai . Dok dom  HTX meda peih bruk bluh song khik mepiah ka urang nong dalam tuk kan kandah ni. Gam song bruk nan, nao duah dom  drak pasa lingiu negar .

Bhum taneran krong CL dok yam tame yuak padai  đông xuân. Meng bruk yaom padai  đông xuân trun khang  dok ngak kan kandah ka bruk pala drak song rai duik urang nong. Meyah oh samar blei padai ka urang nong ye yaom padai dok trun dalam dom harei anak tal./.