Công cơnh apêê acoon coh đhi noo n’lơơng, manuyh Cơ Tu lêy bh’rợ pay k’diêc, bơơn k’điêl năc căh muy xa nay bh’rợ chr’năp coh lang ađoo pân đil, pân juyh ting n’năc năc dzợ xa nay bh’rợ chr’năp âng bhươl cr’noon. J’niêng cr’bưn bhiệc bhan pay k’diic, bơơn k’điêl âng manuyh Cơ Tu năc râu văn hoá liêm pr’hay choom ng’zư lêy lâng pa dưr. Coh c’nặt T’ruih “Xơợng p’rá xa nay coh Gươl” tuần n’nâu, PV A Viết Sĩ vêy bh’rợ prá xay lâng t’cooh Bhnướch Tiêng, t’cooh bhươl coh cr’noon Aliêng, chr’val Ta Bhling, chr’hoong Nam Giang, tỉnh Quảng Nam. Đhanuôr lâng pr’zớc đh’rưah đương xơợng.