VOV4.Êđê- Leh lu thŭn gĭr ktưn amâo mdei, êkei êdam Êđê Y Pôt Niê ti Ƀuôn Kla, să Dray Săp, kdriêk Krông Ana, čar Dak Lak mphŭn čô̆ kơ bruă tŭ jing hŏng anăn knăl “Êđê Café”. Jing Khua Knơ̆ng bruă, Y- Pôt Niê atăt gai Knơ̆ng bruă Êđê Café jing sa hlăm dŭm anôk bruă duh mkra kphê mrô sa, đru ba mnâo kphê Lăn Dap Kngư kơ anôk ba čhĭ hlăm ala čar leh anăn ala tač êngao. Hŏng hnơ̆ng trah dlăng, pô mnia blei Y Pôt Niê jing pô mđĭ ai, bi mklă klei mbruă leh anăn ai tiê mphŭn čô̆ kơ bruă, đru mđĭ ênoh kphê Việt.