VOV4.Jarai- Lơ 27/6, Ping gah tơring čar Kon Tum pơphun jơnum tal 16 Khul apăn bruă Ping gah tơring čar tal XVI. Jơnum pơčrông sai bruă prap lui, pơphun jơnum Ping gah djop gưl hăng Jơnum khua mua Ping gah tơring čar tal XVII, rơwang thun 2025-2030.

VOV4.Jarai-Tlam lơ 27/6, ƀơi Ƀirô mă bruă, Khua mir sir ơi Tô Lâm tŭ jum Khua anih jưh pơ ala dêh čar Australia ƀơi Việt Nam Andrew Goledzinowski.

VOV4.Jarai-Ƀrô hơdor glăi Hrơi sang anŏ Việt Nam lơ 28/6, mơguah lơ 27/6, Khua mir sir ơi Tô Lâm nao tơña bla, bưp hăng pơtrut pran jua mơnuih ƀôn sang amăng plơi Gru đưm Đường Lâm, plơi prong Sơn Tây, Hà Nội.

VOV4.Jarai – Čơtlăm lơ 27/6, Grŭp hyu mă bruă mơ̆ng Ding jum wai lăng bruă Kơnuk kơna Triệu Văn Cường ngă Khua Grŭp hmâo mă bruă laih hăng Jơnum min mơnuih ƀôn sang tơring čar Dak Lak, pel ĕp tơlơi ngă tui tơlơi phiăn, pơkĕ hrŏm bruă pel ĕp hră pơ-ar pơkă tơlơi phiăn thun 2024.

VOV4.Jarai – Lơ 27/6, Khua dêh čar ta ơi Phạm Minh Chính hrŏm hăng grŭp khua pơ ala gưl dlông Việt Nam hmâo pơđut klă hiam tal nao mă bruă pơhmư̆ mông Jơnum WEF Đại Liên hăng mă bruă ƀơi dêh čar Khač.

VOV4.Jarai- Phrâo rơgao, ƀơi pra yang pioh hơdor hăng gong kut blah dưi Đăk Pơ (să An Thành, tơring glông Đăk Pơ), Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam Việt Nam tơring čar Gia Lai pơphun yôm phăn ngă lơphet hơdor glăi 70 thun blah dưi Đăk Pơ, kiăng pơdah tơlơi pơpŭ bơni, hơdor tơngia ƀing tơhan tuh drah pơčah asar yua kơ tơlơi rơnuk rơnua, rơngai lŏn ia amăng rơnuk blah wang kơdong glăi ayăt Prang. Ngă tui gru grua hơkrŭ mơng tal blah dưi Đăk Pơ, Ping gah, ling tơhan hăng mơnuih ƀôn sang tơring glông Đăk Pơ hơmâo gir run găn rơgao djop tơlơi tơnap tap, pơjing plơi pla pơdrong asah hiam klă.

VOV4.Jarai – Mơguah lơ 27/6, ƀơi Bắc Kinh, amăng rơwang nao čuă pơhmư̆ Jơnum Bơkơtuai bơwih ƀong huă rŏng lŏn tơnah Đại Liên hăng mă bruă ƀơi dêh čar Khač, Khua dêh čar ta ơi Phạm Minh Chính tŭ jum Ding kơna Ding jum kơđi čar, Kơ-iăng Khua dêh čar Khač Trương Quốc Thanh.

VOV4.Jarai - Hrơi anai, lơ 27/6, rơbêh 1 klăk čô čơđai mơ̆ng 63 Khul pơplông amăng đơ đam dêh čar mut amăng hrơi pơplông blung a, pơplông abih anih 12 thun 2024 hăng 2 tơlơi hrăm Ngữ văn hăng Toán.

VOV4.Jarai-Hrŏm hăng ƀing čơđai sang hră amăng dêh čar, tlam lơ 26/6 abih bang čơđai sang hră pơplông abih anih 12 thun 2024 ƀơi tơring čar Dak Lak hơmâo nao truh laih pơ anih či pơplông, ngă hră pơar ĕp glăi anăn hlâo kơ mut pơplông.

VOV4.Jarai - Tlam tom brơi (26/6), ƀơi sang bruă mir sir, Khua mir sir ơi Tô Lâm tŭ jum Khua anih jưh pơ ala dêh čar India ƀơi Việt Nam Sandeep Ayra.