VOV4.Jarai - Lơ 24/6, ơi Nguyễn Trọng Nghĩa, Ding kơna Ding jum kơđi čar, ding kơna Ping gah, Khua anom pơtô bruă Ping gah dêh čar git gai Jơnum lăi pơthâo bruă pel ĕp, sem lăng bruă pơgang kơđi čar hăng Khul khua apăn bruă Ping gah tơring čar Dak Lăk.

VOV4.Jarai - Tlam lơ 24/6, ƀơi plơi prong Đại Liên, tơring čar Liêu Ninh, dêh čar Khač, Khua dêh čar ta ơi Phạm Minh Chính hơmâo bơkơtuai hăng Khua dêh čar Khač ơi Lý Cường ƀrô hrơi nao pơhmư̆ Jơnum tui tơđar rim thun hơdôm anom bruă nao hlâo tal 15 mơ̆ng mông Jơnum bơwih ƀong rŏng lŏn tơnah pơphun ƀơi Đại Liên (Jơnum WEF Đại Liên) laih anun ngă bruă ƀơi dêh čar Khač.

VOV4.Jarai-Tlam tom brơi (lơ 24/6), Anom bruă git gai tơhan pơgang guai tơring čar Kon Tum pơphun Jơnum bơkơtưn ngă bruă Truh kih rơwang thun 2019-2024.

VOV4.Jarai - Mơguah lơ 24/6, pơčrông sai ƀơi sang jơnum kơ Tơlơi phiăn pơgăn sĭ ană mơnuih (pơkra glăi), lu khua pơ ala tŭ ư kiăng pơplih glăi abih bang Tơlơi phiăn anai, laih dong kiăng pơhrua tui bruă ngă soh phrâo anun lĕ blơi sĭ ană nge amăng hlung pơmut amăng Tơlơi phiăn anai.

VOV4.Jarai-Hơdor na nao tơlơi pơtô mơng Wa Hô, ding kơna khul hlăk ai hơđăp ƀơi tơring čar Dak Lak gir run găn rơgao tơnap tap pơđĭ kyar bơwih ƀong huă, ngă pơdrong asah. Ƀing gơñu ăt lĕ ƀing mơnuih gir run mut hrŏm hơdôm bruă mă djru brơi ƀing gŏp, djru brơi sang anŏ tơnap tap hrưn đĭ amăng tơlơi hơdip mơda.

VOV4.Jarai-Tlam lơ 24/6, ding kơna ding jum kơđi čar, Khua anom pơtô bruă ping gah dêh čar ơi Nguyễn Trọng Nghĩa ba jơlan hlâo nao mă bruă hăng khua mua git gai tơhan pơgang guai dêh čar tơring čar Dak Lak.

VOV4.Jarai-Tlam lơ 24/6, ƀơi ƀôn prong Đại Liên, amăng hơdră nao mă bruă čuă jơmư ƀơi dêh čar Khač, Khua dêh čar ta ơi Phạm Minh Chính hơmâo čơkă jum ơi Tôn Vinh Khôn, Khua khul git gai kông ty mơnuih ƀôn sang ngă pô rơdêh treng Đại Liên hăng ơi Vương Tiểu Quân, Kơ-iăng Khua group man pơdong gah bruă apui yua dêh čar Khač (PowerChina).

VOV4.Jarai-Tlam lơ 24/6, ƀơi Anom Mir sir, Khua mir sir ơi Tô Lâm hơmâo čơkă jum Khua anih jưh pơ ala dêh čar Cuba ƀơi Việt Nam nao mă tơngan hăng ñu.

VOV4.Jarai-Mơguah lơ 24/6, ƀơi Pra yang pioh hơdor hăng gong kut blah dưi Đăk Pơ (să An Thành, tơring glông Đăk Pơ) Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam Việt Nam tơring čar Gia Lai pơphun yôm mông ngă lơphet hơdor glăi 70 thun blah dưi Đăk Pơ.

VOV4.Jarai-Ƀơi plơi prong Đà Lạt, Kơ-iăng khua dêh čar ơi Trần Lưu Quang nao pơhmư̆, git gai jơnum Khul git gai djru bruă ƀơi kual Dap kơdư tal 3.