Amăng mông bơkơtuai, dua bơnah tŭ ư kơtưn đĭ dong bruă bơkơtuai, hơkrŭ đĭ tơlơi đăo kơnang kơđi čar, pơtrut pơbưp, pơplih nao rai ƀơi hơdôm gưl hăng ƀơi hơdôm glông jơlan, pơjing phun than kơ gum hrŏm dua bơnah pơđĭ kyar abih bang, biă ñu amăng bruă bơwih ƀong – sĭ mơdrô, tuh pơplai, apui yua – ia jâo hyuh, pơtô pơhrăm – pơtô juăt, bôh thâo đưm, tuai čuă ngui, kơsem min bôh thâo phrâo – hơdră mă yua măi mok hăng gum hrŏm gah tơring čar, ƀôn prong.

Dua bơnah ăt hmâo lăi pơthâo nao rai mơn hơdôm tơlơi jar kơmar hăng amăng kual hơdai bơđing nao, gum hrŏm amăng hơdôm mông bơkơtuai jar kơmar; pơtŏng sit gum hrŏm kơjăp dong, djru nao rai tơdruă amăng hơdôm mông bơkơtuai lu bơnah. Khua dêh čar ơi Phạm Minh Chính rơkâo bơnah Nga dŏng yua bruă pơhlôm rơnuk rơnua, pơhlôm, dưi pô gah ia rơsĭ hăng jơlan rơdêh por ƀơi Ia Rơsĭ Ngŏ, pơsir hơdôm tơlơi bơrơsua hăng bruă rơnuk rơnua hluai tui tơlơi phiăn jar kơmar hăng Phiah phiăn Sang gum hơbit djop dêh čar, biă ñu UNCLOS 1982./.