Lăng yom hơdôm boh tơhnal dưi ngă mơ̆ng Trung đoàn tơhan pơlih blah hơdeč kual Dap Kơdư dưi ngă laih djop bruă. Kơ-iăng khua mir sir yă Võ Thị Ánh Xuân pơtrun hiăp kơ khua mua Trung đoàn djă kơjăp gru grua anom bruă khin hơtai, tong ten sit nik hăng Ping gah, kơnuk kơna laih anun Mơnuih ƀôn sang, thâo gum pơgôp tŭ ư sa pran jua hăng bruă mă. Pơtum nao akŏ pơdong tơhan pơlih blah hơdeč Khom rơgoh tong ten, kơjăp kơtang, thâo rơgơi, beč bal, kiăo tui hmao rơnuk phrâo,dưi pơsir djop bruă mă amăng rơnuk anai. 

Ngă klă amăng bruă pơtô hrăm tơlơi pơmin bruă kơđi čar  pơtô hrăm glăi kơ gru grua, ngă tui 6 mơta tơlơi wa Hô pơtô tơhan Kông an mơnuih ƀôn sang, hur har  pơtop hrăm drơi jăn, kiăng ƀư̆ pơkra kơtang djop mơta pioh ngă kơjăp bruă kơđi čar, pran jua tong ten hăng ping gah, hăng Lŏn ia laih anun bơwih brơi mơnuih ƀôn sang. Djru hrŏm pơtrut bơwih ƀong huă, pơgang tơlơi rơnuk rơnua mơnuih mơnam, ngă tui hơdră djru pơsir man pơdong sang kơ mơnuih ƀun rin, lui hĭ sang tơ̆i, sang răm ƀơi tơring čar anih dŏ mă bruă, biă mă ñu kual plơi pla mơnuih djuai ƀiă.