Tui anun, lơ 2/1, ơi Nghiêm mơ-it hră pơ Khul khua apăn bruă Ping gah tơring čar Dak Lăk, Jơnum min mơnuih ƀôn sang tơring čar Dak Lăk, hăng Gơnong bruă tuh tia pơkra gơnam, hơmâo tơlơi rơkâo pơdơi bruă hlâo kơ thun arăng brơi pơdơi. Amăng hră rơkâo pơdơi, ơi Nghiêm lăi pơthâo amăng 40 thun mă bruă, ñu hơmâo ngă lu mơta bruă laih, lêng kơ ngă giong djŏp bruă hơmâo jao. Đăo kơnang kơ tơlơi pơtrun phrâo mơ̆ng Ping gah hăng Kơnuk kơna, kiăng amuñ ƀiă dăp glăi mơnuih mă bruă, ñu rơkâo pơdơi bruă hlâo kơ thun lơtret.

Khua gơnong bruă Čar tơring čar Dak Lăk lăi bruă ơi Nguyễn Văn Nghiêm rơkâo pơdơi bruă jing bruă hiam yơh, pơdah tơlơi gơgrong bruă, laih dong djru ba djŏp anom bruă čar, khul grup djŏp gưl amuñ hloh či ngă tui tơlơi pơčrâo trun mơ̆ng Gơnong dlông kơ bruă dưm dăp mơnuih mă bruă.