Ƀơi mông jơnum, Kơ-iăng Khua dêh čar ơi Nguyễn Hòa Bình lăi rơđah hrŏm hăng boh tơhnal dưi ngă laih, lơ̆m pok pơhai bruă mă brơi ƀuh, hơdră pơblih ngă hră pơar dŏ lu tơlơi gunaka ƀu găl, kơƀah, anom bruă sĭ mơdrô, mơnuih ƀôn sang ngă hră pơar aka ƀu amuñ gêh găl hruaih đơi ôh. Hơdôm tơlơi dŏ kơƀah, anŏ gun anai khom pơsir tañ, kiăng dưi ngă djơ̆ tơlơi kiăng bruă mă sit nik rim hrơi, hmar ngă pơhluh hĭ laih anun ba yau tŭ yua hloh djop pran jua tơlơi kơtang amăng bruă mă, djru rŭ glăi, pơđĭ kyar, bơwih brơi kơ bruă mă hrưn đĭ amăng rơnuk phrâo, rơnuk pơdrong sah, kơtang,hrưn đĭ, yongačăng por nao pơ anăp kơ lŏn ia.

Kơ bruă mă pơ anăp adih, Kơ-iăng khua dêh čar ơi Nguyễn Hòa Bình git gai, djop ding jum, anom bruă, tơring čar pơtum ngă tui 11 bruă mă hơmâo pơčrao laih. Amăng anun đing nao kiăo tui tong ten hăng jơlan hơdră ping gah, kơnuk kơna brơi pơblih bruă ngă hră pơar gêh găl hloh, pok pơhai ngă klă, pơsir djơ̆ bruă, djơ̆ pô, hơmâo boh yom phun hănghrơi blan pơkă ngă giong bruă.