Amăng mông bưp, Khua dêh čar ơi Phạm Minh Chính čơkă hơdôm anom bơwih ƀong sĭ mơdrô Thụy Sĩ hăng kual Mi kô̆ rai pơ dêh čar Việt Nam tơdơi kơ Việt Nam pơphun truh kih Jơnum ruah khua mua đơ đam dêh čar tal XIV mơng Ping gah, ba tơbiă tơlơi yak nao kơđŏm glăi 100 akŏ pơjing Ping gah hăng 100 thun akŏ pơjing lŏn ia.

Hăng tơlơi pơsit “Kơnuk kơna črâo ba, anom bơwih ƀong sĭ mơdrô ba jơlan hlâo, kơnuk kơna-mơnuih ƀôn sang gum hrŏm, lŏn ia ta pơđĭ kyar, anom bơwih ƀong sĭ mơdrô hăng mơnuih ƀôn sang yâo mơ-ak”, Khua dêh čar čang rơmang anom bơwih ƀong sĭ mơdrô Thụy Sĩ hăng kual Mi kô̆ ngă hrŏm hăng Việt Nam kiăng: “Đing tơnga hmư̆ hăng thâo hluh tơdruă kơplah wah anom bơwih ƀong sĭ mơdrô hăng Kơnuk kơna laih dong mơnuih ƀôn sang; pơlăi nao rai tơlơi yak nao hăng ngă bruă kiăng gum hrŏm, djru tơdruă pơđĭ kyar tañ hăng hơđong kjăp; ngă hrŏm, ba glăi tơlơi dưi hrŏm, tŭ mă tơlơi dưi, pơđĭ kyar; hơmâo hrŏm tơlơi đăo gơnang, tơlơi yâo mơ-ak hăng pơ-ư ang”.