Amăng mông jao pri, Khul pơphun hơmâo mơ-it khul git gai jao pri hăng 6 pri A, 13 pri B, 18 pri C, 10 pri bruă phara hăng 35 pri pơsur pran brơi hơdôm tơlơi čih. Amăng anun, Gong phun jua pơhiăp dêh čar Việt Nam mă 1 pri A, 1 pri C hăng 3 pri pơsur pran. Đĭ pơhiăp amăng mông ngă lơphet, Khua git gai Ping gah dêh čar ơi Tô Lâm lăi pơtong, Jơnum ruah khua mua đơ đam dêh čar tal 14 mơng Ping gah lĕ tơlơi kơđŏm glăi phrâo amăng 96 thun Ping gah git gai bruă ngă hơkrŭ ƀơi Việt Nam, tơlơi truh kih mơng jơnum tal 14 pơdah tơlơi čang rơmang, tơlơi gir run hăng tơlơi yak nao pơđĭ kyar phrâo mơng Ping gah hăng djuai ania ta.

Ăt amăng mông ngă lơphet Khua git gai Ping gah dêh čar ơi Tô Lâm, Khua dêh čar ơi Phạm Minh Chính, Khua git gai pơ ala mơnuih ƀôn sang dêh čar ơi Trần Thanh Mẫn hrŏm hăng khua mua Ping gah, Kơnuk kơna hơmâo jao gơnam pơpŭ hăng hră pơpŭ brơi ƀing mơnuih, grup čih tơlơi pơhing mă pri Búa Liềm Vàng 2025 hăng 96 čô khua git gai Ping gah rơgơi mơbruă đơ đam dêh čar, laih dong pơphun pơplông mă pri Búa Liềm Vàng tal 11 thun 2026.