Mông jao grăt 45 thun mut Ping gah brơi Khua git gai Ping gah dêh čar ơi Tô Lâm
Thứ ba, 16:56, 03/02/2026
VOV/Siu Đoan Pơblang
VOV/Siu Đoan Pơblang
VOV.Jarai-Ƀrô tal hơdor glăi 96 thun hrơi akŏ pơjing Ping gah Cộng sản Việt Nam, mơ-ak Jơnum ruah khua mua đơ đam dêh čar tal XIV mơng Ping gah pơphun hiam klă, mơguah lơ 3/2, ƀơi Ƀirô Ping gah pơphun mông ngă lơphet jao grăt 45 thun mut Ping gah brơi ơi Tô Lâm, Khua git gai Ping gah Cộng sản Việt Nam.
Khua djru bruă Khul git gai Ping gah ơi Trầm Cẩm Tú pơ ala khua mua Ping gah, kơnuk kơna ƀơk gơnam pơpŭ yôm phăn. Đĭ pơhiăp amăng mông ngă lơphet, Khua git gai Ping gah dêh čar ơi Tô Lâm ol kơdol, mơ-it nao tơlơi bơni hơ-ơč kơ Ping gah, djop rơnuk khua mua hlâo anun hăng ƀing apăn bruă, mơnuih ƀon sang hơmâo đăo gơnang, djru brơi lơm ñu glăk mă bruă.
Khua git gai Ping gah dêh čar pơsit tong, 45 thun dong amăng mơnuih Ping gah, ñu pô lêng kơ hơdor na nao tơlơi ƀuăn mơng sa čô mơnuih Ping gah, akĕ phĭ tui tơhnal pơkă, tơlơi pơmĭn mơng Ping gah; ƀu pơdơi pơhrăm pô, gir run yua tơlơi rơngai lŏn ia pơlir hăng chủ nghĩa xã hội, yua tơlơi yâo mơ-ak mơng mơnuih ƀôn sang.
Viết bình luận