Pơhiăp ƀơi mông jơnum ngui čơ bơyan bơnga, Khua dêh čar ơi Phạm Minh Chính pơpŭ bơni hăng lăng yom biă kơ Ding jum Pơkra gơnam sĭ mơdrô hrŏm hăng hơdôm ding jum, anom bruă, plơi pla, anom mơdrô, abih bang mơnuih ƀôn sang hăng gơyut gơyâo jar kmar hơmâo gum pơgôp, ha pran jua, gir run ngă bruă, gir pơphun jơnum ngui sang čơ Bơyan bơnga tal sa thun 2026 hăng pơčeh rai anŏ yom hmư̆ hing hloh.

Khua dêh čar brơi thâo, ngui sang čơ khŏm jing anih bluh bơngăt jua gơnam tam Việt, pơƀuh hăng pơđĭ anŏ yom gơnam Việt Nam, pơƀuh hyu anŏ kơdrưh, hmư̆ hing hăng “dưm brơi ačăng kiăng por đĭ” gơnam djă anăn Việt Nam, kiăng gơyut gơyâo ƀơi jar kmar hmư̆ ư. Rim mơta gơnam jing “ pơ ala brơi” gru grua, rim jơgăn jing sa “anih anom” pơƀuh hyu rup Việt Nam hur har, hơmâo pran jua, rơngai, hơđong hăng đĭ kyar.