Tui hăng tơhnal pơkă tong ten, ruah mă, Gia Lai dưi pơsit brơi akŏ pơphun lu tal jơnum ngui ngor mơak gru grua. Hăng akŏ ñu “Gia Lai-Glai klô čư̆ siăng trun pơ ia rơsĭ jơngeh”, Thun čơkă tuai gưl dêh čar 2026 kiăng lăi pơthâo boh pia, tơlơi pơhiăp pơtruh nao rai mơak plah wah lŏn mơnai glai klô kual čư̆ siăng hăng bul pơtâo plao ia rơsĭ, plah wah glai klô hăng gru grua hiam ană mơnuih, plah wah bruă djă pioh hăng pơđĭ kyar hơđong kơjăp.

Tui hăng khul khua mua pơphun bruă, lu tơlơi jơnum ngui ngor mơak čơkă tuai hơmâo 244 mơta bruă pơprong, pơhưč tui hyu ngui, ĕp lăng gru grua hiam, pơplông pơrơguăt drơi jăn, hơmâo tơlơi djru hrŏm mơ̆ng Ding jum Gru grua, Pơrơguăt drơi jăn hăng Tuai čuă ngui, tơring čar hăng 22 boh tơring čar, ƀôn prong amăng dêh čar; lu bruă mă dưi pok pơhai ngui ngor tui hăng akŏ bruă tui hluai rim čal, rơwang klâo blan sa wơ̆t, kiăng pơphun na nao ƀu tơ̆i dơnuai, lu mơta hăng pơhưč tuai.