Pơhiăp pơphun brơi mông jơnum, Khua dêh čar ơi Phạm Minh Chính lăi rơđah: Ding jum kơđi čar pơtrun 9 Tơlơi pơtrun tui akŏ bruă, hơmâo abih bang bruă yom mơ̆ng lŏn ia ta kah hăng: Bơwih ƀong mơnuih ƀôn sang ngă pô, bơwih ƀong kơnuk kơna ngă pô, ia jrao, pơtô hrăm, tơlơi phiăn, bơwih ƀong hăng čar rơngiao, apui lơtrik, gru grua.

Anai jing phun atur yom biă mă či pok pơhai ngă 2 mơta tơlơi gơñăm ngă 100 thun. Kơ bruă pok pơhai tơlơi pơtrun 79 mơ̆ng Ding jum kơđi čar kơ đĭ kyar bơwih ƀong mơnuih ƀôn sang ngă pô, Khua dêh čar kiăng ding kơna amăng Khul git gai pơƀut pơgôp hiăp kơ Tơlơi pơtrun mơ̆ng Kơnuk kơna pơtrun jơlan ngă bruă ngă tui Tơlơi pơtrun 79 hăng tơlơi pơmin “gir kơtir, run ngă kơtang, ngă bruă khut khăt” hăng jao 6 tơlơi rơđah “rơđah pô, rơđah bruă, rơđah hrơi ngă, rơđah anih kĭ hră, rơđah pô gơgrong bruă hăng rơđah gơnam pơkra” kiăng ngă tŭ yua. Hăng pran jua ngă tui anun, pơhlom ngă tŭ yua, Khua dêh čar čang rơmang ƀing khua pơƀut pơmin, pơčeh rơgơi, pơgôp pran jua, pơgôp tơlơi pơhiăp kiăng jing tơlơi pơkă, tơlơi phiăn, hơdră djru či ngă bruă.