Khua git gai Ping gah tơring čar Dak Lak ơi Lương Nguyễn Minh Triết lăng yôm, pơpŭ hơdôm boh than dưi ngă mơng Puih kơđông tơhan wai pơgang guai Hoà Hiệp Nam, phường Hòa Hiệp (plơi prong Tuy Hòa, tơring čar Phú Yên hơđăp) amăng bruă wai pơgang tơlơi ngă pô lŏn ia, hơđong ƀơi guai lŏn ia. Pơ anăp anai, Khua git gai Ping gah tơring čar Dak Lak rơkâo gưl Ping gah, git gai Puih kơđong tơhan wai pơgang guai Hòa Hiệp Nam hruă kjăp, ngă truh kih hơdôm hơnong pơkă amăng tơlơi pơtrun jơnum ruah khua mua đơ đam dêh čar tal XIV mơng Ping gah; tŏ tui đing nao, bơwih brơi klă tơlơi hơdip mơda kơ ƀing apăn bruă, ling tơhan, sit biă ñu lĕ ƀing apăn bruă ataih mơng sang anŏ, dŏ glăi mă bruă bơyan tết anai.

Ƀrô bơyan bơnga anai, ơi Lương Nguyễn Minh Triết pơpŭ hơ-ơč ƀing apăn bruă, ling tơhan Puih kơđông tơhan Hòa Hiệp Nam čơkă thun phrâo mơ-ak mơ-ai, pơđao pran jua, rơnuk rơnua, pơgiong djop bruă jao.