Tơdơi kơ hmư̆ Jơnum min plĕ hră ruah khua ƀôn prong Cần Thơ lăi pơthâo kơ bruă prap lui tal plĕ hră ruah khua mua hăng ƀing ding kơna amăng grup hyu mă bruă đĭ pơhiăp, pơđut hĭ mông mă bruă, Khua git gai pơ ala mơnuih ƀôn sang dêh čar ơi Trần Thanh Mẫn lăng yôm, ƀôn prong hơmâo prap lui klă hloh bruă prap lui plĕ hră.

Khua git gai pơ ala mơnuih ƀôn sang dêh čar lăi pơtong kiăng ngă tui amăng djop anih anom kơđi čar kiăng prap lui klă hloh tal plĕ hră, lăng anai lĕ bruă jao akŏ phun kiăng pơgiong truh kih; hrŏm hăng anun đing nao pơđĭ kyar bơwih ƀong huă mơnuih mơnam amăng rơwang tal I, prap lui bơyan ngui ƀong tết tui phiăn juăt brơi mơnuih ƀôn sang hăng pran jua tui tơlơi črâo trun mrô 15 mơng khul git gai Ping gah hăng pok pơhai tơlơi pơtrun mơng jơnum ruah khua mua đơ đam dêh čar tal 14 mơng Ping gah.