Khua dêh čar bơni biă mă tal rai čuă jơmư anai, dưi pơphun laih Jơnum prong ruah khua ping gah dêh čar tal XIV tŭ yua sit nik, lăi pơtong Việt Nam lăng yom, gir run abih pran jua kiăng ngă kơjăp tong ten hloh tơlơi rô nao rai giăng mah gru grua mơ̆ng đưm, gum pơgôp yom phara kơ dua bơnah, tŭ ư hrŏm pơtrut bruă ngă bơwih ƀong huă-sĭ mơdrô; pok pơhai tŭ yua lu kơčăo bruă ngă hmua pla pơjing ƀơi dêh čar Cuba, kah pơpha tơlơi thâo thăi 40 thun Pơblih phrao lŏn ia; pok pơhư prong  bruă ngă hrŏm gah apui yua ia jâo hơdjă rơgoh, biă mă ñu pơkra pil pơ-iă yang hrơi; kơtưn ngă hrŏm gah bruă ia jrao, jao glăi tơlơi thâo thăi pơkra ming vaccine, ia jrao gun bơwih brơi kơ dua bơnah dêh čar hăng sĭ mơdrô pơ tač rơngiao.

Khua dêh čar lăi pơtong, Việt Nam ăt kah pơpha tơlơi thâo thăi pơkra ming apui yua rơgoh hăng dêh čar Cuba pioh bơwih brơi bruă ngă hmua pla pơjing hăng ba yua amăng tơlơi dŏ dong ƀong huă hơdip mơda rim hrơi kơ mơnuih ƀôn sang Cuba.