Đĭ pơhiăp amăng mông ngă lơphet, Khua mir sir ơi Lương Cường pơsit tong, anai lĕ bruă mă yôm phăn, ƀu djơ̆ kơnong kơđŏm glăi bruă man pơdong giong hăng mă yua ring bruă yôm phăn anai đôč ôh mơ̆ ăt pơdah tơlơi pơlir hơbit kjăp phik kơplah wah gru grua ngă hơkrŭ ƀơi Việt Nam, hăng tơlơi rơkâo pơjing Kơnuk kơna phiah phiăn xã hội chủ nghĩa Việt Nam pơplih phrâo, prong kơtang, Kơnuk kơna mơng mơnuih ƀôn sang, kơ mơnuih ƀôn sang, yua mơnuih ƀôn sang, amăng rơnuk pơđĭ kyar phrâo mơng djuai ania Việt Nam.

Kiăng ring bruă anai hơmâo wai lăng, mă yua klă hloh, Khua mir sir rơkâo anom bruă khua mir sir lĕ anom bruă tŭ mă yua, wai lăng git gai gum hrŏm hăng anom bruă Ping gah, ƀôn prong Hà Nội, anom bruă man pơdong tŭ mă, wai lăng, mă yua klă hloh, rơnuk rơnua, sui pơ anăp. Amăng mông ngă lơphet, Khua git gai Ping gah dêh čar ơi Tô Lâm hăng Khua mir sir ơi Lương Cường, hrŏm hăng ƀing khua apăn akŏ, khua mua hơđăp Ping gah, kơnuk kơna hơmâo trơ̆i akhăn pok mă yua anih mă bruă anom bruă Khua mir sir.