VOV4.Jarai - Tui hăng tơlơi pơhing phrâo lăi pơthâo hlâo kơ anun, kual Dap Kơdư hơmâo lu tơlơi gêh gal či đĭ kyar biă, samơ̆ ăt kaih mơn yua jơlan nao rai aka ƀu rơhuaih. Tŏ tui črăn tơlơi čih “Jơlan rơdêh đuăi hmar hăng tơlơi čang rơmang đĭ kyar hmar hloh kơ Dap Kơdư”, amăng jơlan hơdră hrơi anai, gơmơi lăi nao tơlơi kiăng, tơlơi čang rơmang hăng anŏ yôm mơ̆ng hơdôm glông jơlan rơdêh đuăi hmar amra ba glăi kơ hơdôm boh tơring amăng kual hluai tui tơlơi čih “Dap Kơdư kiăng biă mă jơlan rơdêh đuăi hmar”.

VOV4.Jarai-Tlam lơ 17/6, ƀơi Sang bruă pơala mơnuih ƀôn sang dêh čar, ơi Trần Thanh Mẫn, Khua git gai pơ ala mơnuih ƀôn sang dêh čar ta tŭ jum ƀing khua anih jưh pơ ala djop dêh čar ding kơna EU ƀơi Hà Nội.

VOV4.Jarai – Tal pơplông mă ƀăng gưl 3 thun 2024, tơring glông ƀơi guai dêh čar Buôn Đôn, tơring čar Dak Lak, hmâo 1 anih pơplông, hăng giăm truh 570 čô čơđai ngă hră pơplông. Gong gai tơring glông hăng gơnong bruă pơtô pơhrăm amra djru ƀing ƀơđai tơnap tap.

VOV4.Jarai – Lơ 18/6, Jơnum min mơnuih ƀôn sang plơi prong Buôn Ma Thuột, tơring čar Dak Lak pơphun bưp ƀô̆ mơta hơdôm bôh ƀirô čih tơlơi pơhing phrâo ƀrô hơdor glăi 99 thun hrơi hră pơhing hơkrŭ Việt Nam.

VOV4.Jarai – Lơ 17/6, Khua mir sir dêh čar ta ơi Tô Lâm tŭ jum ơi Geñady Bezdetko - Khua anih jưh pơ ala kơ dêh čar Nga ƀơi Việt Nam.

VOV4.Jarai-Ƀrô tal hơdor glăi 99 thun hrơi hră pơhing ngă hơkrŭ Việt Nam, mơguah tom brơi (17/6), Khua anom pơtô bruă Ping gah, ơi Nguyễn Trọng Nghĩa nao čuă hăng pơpŭ Anom bruă hră pơhing Thông tấn xã Việt Nam, hră pơhing Nhân dân hăng hră pơhing Cộng sản.

VOV4.Jarai – Mơguah tom brơi (17/6), tô̆ tui jơlan hơdră Tal jơnum lok 7, Khua pơ ala mơnuih ƀôn sang dêh čar ta tal 15, gah yŭ tơlơi git gai mơ̆ng Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải, Khua pơ ala mơnuih ƀôn sang dêh čar ta bơkơtuai ƀơi sang rông kơ “hơdră pơtrun tuh pơplai Rơwang bruă tuh pơplai pơkra jơlan đuăi hmar Kơdư – Dơnung gah Yŭ, črăn Gia Nghĩa (Dak Nông) – Chơn Thành (Bình Phước)”.

VOV4.Jarai - Anom bruă git gai tơhan tơring čar Dak Lăk phrâo pơphun Pơplông čơkă hrơi Jơnum bơkơtưn ngă bruă khŏm truh kih, rơwang thun 2019-2024 hăng anăn “30 hrơi ngă bruă ba gru - Bơkơtưn hơmâo mă 3 mơta bruă prong hloh dưi ngă truh kih”.

VOV4.Jarai - Kual Dap Kơdư - kual lŏn hơmâo lu tơlơi gêh gal, anih hơmâo ayuh hyiăng glai klô hiam pioh kơ tuai hyu čuă lăng; anih hơmâo lu djuai gơnam mơ̆ng đang hmua ba sĭ pơ čar rơngiao yôm, hơmâo nua kah hăng kơphê, kơsu, boh ñông, tiu...Samơ̆ anai ăt jing anih dŏ tơnap mơn amăng pơđĭ kyar bơwih ƀong, anŏ ngă kơđông hĭ lĕ jơlan nao rai. Jơlan rơdêh đuăi hmar pơtruh nao rai amăng kual, wơ̆t hăng kual pơkŏn hơmâo čang rơmang jing boh pơkhuă pok brơi, pơsir hĭ kiăng kual Dap Kơdư dưi đĭ kyar hmar hloh.

VOV4.Jarai-Mơmŏt lơ 14/6, ƀơi tơring glông Ia Grai, tơring čar Gia Lai ƀuh hơkruah yâo hrŏm hăng hơjan prong ngă 22 boh sang pok bơbung hăng lu đang hmua sầu riêng, kơsu, phun ñông jruh boh, čơlah than.