Amăng mông jơnum ƀing ding kơna Gong gai dêh čar bơkơtuai pel ĕp, gum pơhiăp, pel ĕp hăng 4 rơwang bruă Tơlơi phiăn anun lĕ: Tơlơi phiăn pơphun bruă Gong gai dêh čar (pơplih pơkra); Tơlơi phiăn pơphun bruă gong gai tơring čar, ƀôn prong (pơplih pơkra); Tơlơi phiăn Grŭp mă yua hră pơ-ar QPPL (pơplih pơkra); Tơlơi phiăn gum hrŏm khul pơgang rơnuk rơnua Sang gum hơbit djop dêh čar.

Pơhiăp amăng mông jơnum, Khua dêh čar ta ơi Phạm Minh Chính pơtŏng sit, anai lĕ hơdôm rơwang bruă tơlơi phiăn, tơlơi pơtrun pơsit yôm phăn, kiăng hmao pơplih phrâo hơdră pơtrun prong mơ̆ng Ping gah kơ pơplih phrâo pơphun bruă, bruă mă Gong gai dêh čar, gong gai tơring čar, ƀôn prong tui jơlan gah “Ruah mă - rơbô̆t – kơtang - ba glăi tŭ yua – ba glăi bôh tơhnal”. Hrơi ƀiă, tơlơi rơkâo, rơwang bruă prong, bôh yôm tơnap, glêh tơnap, Khua dêh čar rơkâo ƀing ding kơna Gong gai dêh čar đing nao bôh thâo ia rơgơi, lăi pơthâo tơlơi lăi glăi, gum pơhiăp rơbô̆t, djop bôh yôm, rơđah mơta tơlơi, nao tơpă mơta tơlơi phun; đing nao lăi pơthâo nao rai hơdôm tơlơi yôm phăn, bơ̆ gum pơhiăp phara khom bơkơtuai, rơkâo tơlơi gum pơhiăp Gong gai dêh čar; pơhlôm rơnoh bruă, anô̆ kơjăp mơ̆ng mông Jơnum./.