Amăng mông mă bruă, Khua git gai Ping gah dêh čar ơi Tô Lâm bơni khul tơhan quân khu hmâo ngă giong klă bruă jao amăng thun rơgao. Gah bruă jao pơ̆ anăp anai, Khua git gai Ping gah rơkâo, quân khu khom lăi pơthâo dơlăm dong hơdră pơtrun mơ̆ng Ping gah, hơdră bruă, tơlơi phiăn mơ̆ng Kơnuk kơna, tơlơi pơtrun pơsit, tơlơi črâo ba mơ̆ng Ping gah Khul ling tơhan dêh čar, Ding jum Khul ling tơhan dêh čar hăng tơlơi bruă jao mơ̆ng Khul ling tơhan Quân khu, pơsit pran ngă giong truh kih hơdôm tơhnal pơkă, bruă jao Tơlơi pơtrun pơsit Jơnum tal 13 mơ̆ng Ping gah, Tơlơi pơtrun pơsit Jơnum Ping gah Quân khul tal 10.

Gơgrong hlâo, gum hrŏm klă Ping gah Khul ling tơhan, Ding jum Khul ling tơhan hăng gum hrŏm hăng gưl ping gah, gong gai plơi pla pơjing bruă abih bang mơnuih ƀôn sang pơgang lŏn ia, abih bang mơnuih ƀôn sang pơgang lŏn ia nao hrŏm hăng bruă pơgang rơnuk rơnua plơi pla mơnuih ƀôn sang hăng pơdŏng kual pơgang hlôm hlâo kơjăp phik. Biă ñu khom thâo kơjăp tơlơi, pơsir hmao tlôn hơdôm tơlơi, ƀu pioh hmâo kah mơ̆ng pơsir, truh dô̆ kơtuă, djă kơjăp hơđong bruă kơđi čar, ngă gal brơi pioh hơdôm anih anom pơđĭ kyar bơwih ƀong - mơnuih mơnam./.