Hơdôm hrơi rơgao, tơlơi rô nao rai bruă kơđi čar, pơtom hiăp Việt Nam - Lao pơđĭ kyar klă hiam dong, pơkĕ kơjăp, đăo kơnang; dua bơnah hmâo pơphun truh kih Tal jơnum lok 46 Jơnum min pơplir hơbit Gong gai Việt Nam - Lao (7/1/2024) hăng Bruă bưp tui tơđar dua bơnah Ping gah thun 2024 (26/2/2024); pơphun klă hơdôm tal čuă mơ̆ng khua mua gưl dlông hăng hơdôm gưl. Việt Nam ră anai hmâo 241 rơwang bruă tuh pơplai ƀơi dêh čar Lao hăng abih bang prăk pơkă rơbêh kơ 5,5 klai dolar Mi, djă pioh dong anih dŏng tal 3 amăng mrô hơdôm bôh dêh čar/kual lŏn (tơdơi kơ Khač, Thái Lan).

Prăk pơhrui glăi mơ̆ng gơnam sĭ mơdrô nao rai dua bơnah Việt Nam - Lao 10 blan mơ̆ng thun 2024 hmâo 1,7 klai dolar Mi (đĭ rơbêh kơ 28% bơhmu hăng thun 2023). Dua bơnah gum hrŏm kơjăp, dŏng yua tơdruă ƀơi hơdôm mông bơkơtuai gum hrŏm kual hăng jar kơmar; biă ñu amăng rơwang ASEAN, Sang gum hơbit djop dêh čar hăng hơdôm hơdră pơkă kual anet. Amăng thun 2024, Việt Nam hmâo dŏng yua klă hăng djru Lao gơgrong truh kih bruă jar kơmar yôm phăn kah hăng Khua ASEAN thun 2024, Khua AIPA 45./.