Ƀơi mông bưp, mơnuih ƀôn sang pơdah pran jua đăo kơnang hăng tơlơi git gai, pơčrâo ba mơ̆ng khua mua tơring čar Lâm Đồng amăng thun blan bưp lu tơlơi tơnap tap lông lăng. Laih dơ̆ng, čang rơmang tơring čar Lâm Đồng pơtum pơtrut bruă bơwih ƀong huă pơđĭ kyar amăng bruă tuai čuă ngui, boh nik ñu kơčăo bruă čuk pơkra jơlan rơdêh đuăi hmar phun mơ̆ng Tân Phú-Bảo Lộc-Liên Khương hăng Đà Lạt-Nha Trang kiăng gêh găl hloh amăng bruă pơtruh nao rai amăng kual, djru pơtrut bơwih ƀong huă kơ mơnuih mơnam.

Pơhiăp klah čun ƀơi mông jơnum, khua mua tơring čar Lâm Đồng čih pioh hơdôm tơlơi pơgôp hiăp, rơkâo đĭ mơ̆ng ƀing pơ ala mơnuih ƀôn sang đĭ pơhiăp amăng mông jơnum. Laih anun ƀuăn    amra djru pơsir hơdôm tơlơi gun ngă tơnap tap, pioh pơtrut tơring čar Lâm Đồng pơđĭ kyar hloh, hlom bom hăng kơjăp phik.