Pơ ala kơ khua git gai Ping gah hăng Kơnuk kơna, Khua mir sir dêh čar ơi Lương Cường mơ-ĭt truh abih bang mơnuih dêh čar ta dô̆ pơ̆ dêh čar tač rơngiao pran jua pơđao, tơlơi tơña bla hăng hơdôm tơlơi hơ-ư̆č hmưi thun phrâo klă hiam hloh. Khua mir sir brơi thâo, Ping gah, Kơnuk kơna hăng neh wa amăng lŏn ia đing nao na nao, lăng tui tơlơi neh wa ta pơ̆ dêh čar arăng hăng hơk mơ-ak biă, ư-ang lơm ƀuh thun rơgao, khă khom bŏng glăi hăng lu tơlơi tơnap, tơlơi lông samơ̆ neh wa ta ăt djă pioh kơjăp mơn, djă pioh pran gơgrong kơjăp, hrưn đĭ pơdŏng tơlơi hơdip klă hiam hloh.

Khua mir sir dêh čar brơi thâo, Việt Nam glăk prăp lui bruă mă kơjăp pioh dêh čar phing kơ pran jua yak mut rơnuk phrâo hăng gru grua đưm ư-ang mơ̆ng ha rơbâo thun pơdong lŏn ia hăng wai lăng lŏn ia, Việt Nam khom tŭ mă đut hlah tơhnal gal, tơlơi gru grua anai. Khua mir sir dêh čar ta čang rơmang rim mơnuih ƀôn sang Việt Nam, khă ƀơi lŏn ia ƀudah pơ̆ dêh čar tač rơngiao, ƀudah gum hrŏm gum hơgôp pran mut amăng bruă prong mơ̆ng djuai ania. Khua mir sir dêh čar ta pơtŏng sit, Ping gah hăng Kơnuk kơna ta pioh na nao tơlơi lăng ba, bơwih brơi phara ha jăn kơ neh wa pơ̆ dêh čar tač rơngiao./.